Marke 6:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Hakafikila dituku diakane, dia kuedibua kua Helode, yeye wakalambishila miloho yandi ne tumanda tuandi tua masalayi ne banfumu banene ba mu Galela bidia;

MUKANDA WA MYIDI MUKULU

²¹ Kadi ku ndekelu, Erodiyade kututa dikasa dimpe, musangu uvua Erode wenza tshibilu tshia diledibua diende. Erode uvua muenzele bena mu bukalenga buende didia dinene, kabidi ne bamfumu ba basalayi ne bantu baneme ba mu Ngalileya.

Marke 6:21 Referans Kwoze

Estere 2:18

Nunku mukelenge wakalambishila bantu bandi banene bonso ne benji bandi ba mudimu bidia bia disanka dinene bua Esetê; yeye wakaha ba mu nseke yandi dikisha ne maha bu mudi bubanji bua mukelenge.

Genese 40:20

Hakahita matuku asatu, dituku adi diakadi dituku dia kuledibua kua Palo, yeye wakalambishila bantu bandi bidia bia disanka, ne yeye Wakabikila kahita ka bana maluvu ne kahita ka bena bidia ku mesu kua bantu bandi.

Didimanyisha 11:10

Ne badi bikala ha buloba badi basanka bua bualu buabo, ne badi banaya; nebatuminangane bintu bia disanka, bualu bua baprofete aba babidi bakakengesha badi bikala ha buloba.

1 Petro 4:3

Bualu bua matuku mahite akakumbana bua nuenu nulonde disua dia bisamba bia bende, ne bua nuenu nuende mu tshienzenza tshia masandi, mu nkuka, mu kukuatshika kua malulu, mu manaya a bundu, mu tshingu tshia banu ba malulu, ne mu kutendelela kua mpingu mibi.

Luke 3:1

Mu tshidimu tshia dikumi ne itanu tshia bunfumu bua Tibelio Kaisa, hakadi Ponto Pilato ngovena wa Yudaya, ne hakadi Helode muloho wa Galela, ne hakadi muanʼabo Filipo muloho wa luseke lua Itulaya ne Takoniti, ne hakadi Lusania muloho wa Abilene,

Osheya 7:5

Mu dituku dia disanka dia mukelenge wetu bakokeshi bakadisamisha ku luya lua maluvu a nvinyo; yeye wakolola tshianza tshiandi diatshimue ne baseki.

Estere 3:7

Mu ngondo wa kumudilu, ngondo wa Nisana mene, mu tshidimu tshia dikumi ne bibidi tshia bukelenge bua mukelenge Ahashawelosha bakadi bela Pû, eu nnshobo mene, ku mesu kua Hamana ku dituku ku dituku ne ku ngondo ku ngondo tô ne ku ngondo wa dikumi ne ibidi udi ngondo wa Ada mene.

Genese 27:41

Esau wakadi ne Yakoba lukuna bualu bua disanka diakamusankisha nʼadi tatu andi Esau wakamba mu mutshima wandi ne, Hashika matuku a madilu a tatu anyi, hashishe, nenshihe muakunyʼanyi Yakoba.

Bienzedi 25:23

Hakatshiabu, Agipa ne Bênike bakahia ne kudilesha kunene, bakabuela mu muaba wa kunyua bilumbu, ne tumanda ne bantu banene ba musoko; hakamba Festo dî, bakalua ne Paulo.