Marke 6:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bakaya, bakambila bantu bualu bua Nzambi ne, Kudimunai mitshima yenu.

MUKANDA WA MYIDI MUKULU

¹² Balongi kuyabu kulongesha bantu: bua balengeje nsombelu yabu.

Marke 6:12 Referans Kwoze

Matayi 4:17

Ku tshikondo atshi Yesu wakabanga kuambila bantu bualu bua Nzambi ne, Kudimunai mitshima yenu; bualu bua bukelenge bua mu diulu budi hehi.

Bienzedi 20:21

ngambila Bena Yuda ne Bena Gelika bua kukudimunabo mitshima kudi Nzambi ne bua kuitabushabo Mukelenge wetu Yesu Kilisto.

Bienzedi 11:18

Hakunvuabo malu â, bakahua, bakatumbisha Nzambi ne, Nzambi wakuha bisamba bia bendekabidi kukudimuna kua mutshima bua kuikalabo ne muoyo.

Bienzedi 2:38

Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Luke 13:3

Ndi nuambila ne, Nasha; badi binuikala kanui nukudimuna mitshima yenu, buonso buenu nenufue muomumue.

Luke 11:32

Mu dituku dia kulumbulula, Bena Ninewe nebimane ne bantu ba tshikondo etshi, nebabahishe; bua bobo bakakudimuna mitshima yabo, hakuluabo mei a Yona; ne monai, udi mutambe Yona udi aha.

Matayi 3:8

Nukuame mamuma makane adi alesha dikudimuna dia mitshima yenu;

Matayi 3:2

Kudimunai mitshima yenu; bualu bua bukelenge bua mu diulu budi hehi.

Yezekiyele 18:30

Nunku, Mukelenge Yehowa udi wamba ne, Nuenu Bena Isalele, nennulumbuluishe, muntu yonso bu mudi bienzedi biandi. Alukilai, kudimunai mitshima yenu bua kulekela malu mabi enu, bua bubi buenu kabuikadi bu tshilenduishi kunudi.

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Luke 15:10

Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Luke 15:7

Ndi nuambila ne, Nunku kabidi disanka dia mu diulu bua muntu umue mubi wakukudimuna mutshima wandi neditambe disanka bua bantu bakane makumi tshitema ne tshitema badi kabai ne bua kukudimuna mitshima yabo.

Luke 13:5

Ndi nuambila ne, Nasha; kadi binuikala kanui nukudimuna mitshima yenu, buonso buenu nenufue muomumue.

Marke 1:15

wakamba ne, Matuku akukumbana, bukelenge bua Nzambi budi hehi; kudimunai mitshima yenu, nuitabushe lumu luimpe.

Matayi 11:20

Yesu wakabanga kuela misoko yakadiye wenza malu andi a bungi a kukema mulau, bualu bua bena misoko kabakukudimuna mitshima yabo.

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

Luke 9:6

Bakamuangalaka, bakaya mu misoko mikese tô, benda bamba lumu luimpe, bashikisha masama a bantu kuonso kuakayabo.

Marke 1:3

Di dia muntu udi wela lubila mu tshihela ne, Longololai nshila wa Mukelenge, Nululamishe nshila yandi;

Matayi 11:1

Hakashikisha Yesu kuyisha bayidi bandi dikumi ne babidi mikenshi yandi, yeye wakumukaku bualu bua kuyisheye bantu mu misoko yabo ne bua kubambileye bualu bua Nzambi.