Marke 4:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kabobo aba ba kukala kua nshila kuakumiaminabo dî; hakunvuabo dî, Satana ulualua lukasa, udi unyenga dî diakadi dimiamina munda muabo.

MUKANDA WA MYIDI MUKULU

¹⁵ Bantu bakuabu mbafuanangane ne ku mielelu ya njila, muaba uvua muaku mumatshile: diakamue padibu baumvua, diabolu udi ufika, umusha muaku uvuabu bamiamina munda muabu.

Marke 4:15 Referans Kwoze

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;

Matayi 13:19

Hunvua muntu dî dia bukelenge bua mu diulu kai mudijingile, hashishe, mubi udi ulua, udi unyenga bualu buakumiaminabo mu mutshima wandi. Kayeyʼeu wakumiaminabo kukala kua nshila.

2 Korente 2:11

bua Satana kikadi ne muaba wa kutuhitshila budimu; bualu bua tuetu katuena tuhanga kumanya madimu andi.

Luke 8:12

Ba kukala kua nshila badi bantu bakunvua dî; hashishe, diabolo ulualua, udi unyenga dî mu mitshima yabo ne, Kabitabushi, kabasungidibu.

Marke 4:4

hakadiye umiamina, maminu makuabo akamata kukala kua nshila, nyunyu yakalua, yakâzokola.

Bienzedi 5:3

Kadi Petelo wakamba ne, Anania, bualu kai Satana wakûsha mutshima webe tente bua wewe kudinga Nyuma Muimpe ne bua kusokoka tshituha tshia mushinga wa budimi?

Yeshaya 53:1

Wakuitabusha bualu butuakunvua nganyi? Diboko dia Yehowa diakubuluibua kudi nganyi?

Didimanyisha 20:10

Ne diabolo wakadi ubadinga wakedibua mu dishiba dia kahia ne soufre, kudi nyama wa luonji ne muprofete wa mashimi kabidi, nebakengeshibue munya ne bufuku tshiendelele.

Didimanyisha 20:7

Hashika bidimu tshinunu, Satana nealekedibue mu nsubu wandi wa lukanu,

Ebrewu 2:1

Bua bualu ebu butudi nʼabu mbua kutamba kudimuka ku malu atuakunvua bua bumue katulu kuhambuka.

2 Tesalonike 2:9

Kulua kuandi kudi bu mudi kuenzesha kua Satana, ne bukole buonso, ne bimanyinu, ne malu a kukema a mashimi,

Matayi 22:5

Kadi bobo bakalengulula di diandi, bakaya ku malu abo, mukuabo ku budimi buandi, mukuabo ku kuenda mushinga;

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Matayi 4:10

Yesu wakamuambila ne, Satana, umuka; bualu bua bakuanda dî ne, Kukuila Mukelenge Nzambi webe, umuenzele yeye nkayandi mudimu.

Zekâya 3:1

Wakandesha Yoshua muakuidi munene muimane ku mpala kua muanjelo wa Yehowa, ne Satana muimane ku tshianza tshiandi tshia balume bua kumudingila malu.

Genese 19:14

Lota wakaluhuka, wakambila baku bakadi babangila bana bandi bakashi ne, Jukai, numuke mu musoko eu, bualu bua Yehowa neashihe musoko Kadi yeye wakadi bu muntu udi wakula biakulakula kudi baku bandi.

Ebrewu 12:16

ne bua kakuikadi muena masandi anyi muena tshikama bu Esau, wakahana bintu bia buanʼa bute ku katuha ka bia kudia.

Bienzedi 17:32

Hakinvuabo bua dibika dia bafue, bakuabo bakaseka; kadi banga bakamba ne, Netunvue dî diebe kabidi bua bualu ebu.

Marke 4:14

Mumiaminyi udi umiamina dî dia Nzambi.

Marke 4:16

Kabobo aba kabidi bakadi bamiamina ha miaba ya mabue; hakunvuabo dî, badi baditabusha lukasa ne disanka;