Marke 16:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye wakabambila ne, Yai bienu ha buloba buonso, nuambile bionso biakafukibua lumu luimpe.

MUKANDA WA MYIDI MUKULU

¹⁵ Pashishe kubambilaye ne: — Nuye mu buloba bujima, nulongeshe bantu bonsu Lumu lua Disanka.

Marke 16:15 Referans Kwoze

Matayi 28:19

Bualu bua meme ndi ne bukokeshi ebu, yai bienu, nuvuishe ba bisamba bionso bayidi, nubabatize mu dina dia Tatu ne mu dia Muana ne mu dia Nyuma Muimpe;

Marke 13:10

Nebambile bisamba bionso lumu luimpe diambedi.

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

Misambu 96:3

Nuambile ba munkatshi mua bantu ba bende butumbi buandi, numanyishe ba munkatshi mua bantu bonso malu a kukemi akenzeye.

1 Yone 4:14

Tuetu tuakutangila ne tudi tunumanyisha ne, Tatu wakutuma Muana wandi bua kuikaleye Musungidi wa ba ha buloba.

Yowanane 15:16

Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

Yowanane 20:21

Yesu wakabambila kabidi ne, Ditalala dikale kunudi; bu muakantuma Tatu, nunku mundi nutuma.

Kolose 1:23

binuananukila mu ditabusha, bajadikibua ne bashindikibue bikole, ne kanui basesuishibue ku ditekemena dia lumu luimpe lunuakunvua, luakambibua munkatshi mua bifukibua bionso munshi mua diulu; lunakavuishibua, meme Paulo, muena mudimu walu.

Rome 16:26

kadi katataka buakamueneshibua mu mifundu ya baprofete bu mudi mukenshi wa Nzambi wa tshiendelele; buakumanyishibua ku bisamba bionso bua ditumikila diabo mu ditabusha.

Rome 10:18

Kadi ndi ngamba ne, Kabakunvua, anyi? E, bulelela, bakunvua, ne, Dî diabo diakamuangalaka ha buloba buonso, Ne mei abo akambibua kunfudilu kua buloba.

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Didimanyisha 14:6

Nakatangila muanjelo mukuabo uhahala munkatshi mua diulu, wakadi ne lumu luimpe lua tshiendelele lua kuambileye badi bikala ha buloba, ne kudi ditunga dionso ne tshisamba tshionso ne muaku wonso ne bantu honso,

Kolose 1:6

ludi lulua kunudi. Mbu mudilu mu buloba buonso kabidi lukuama mamuma ne ludiundadiunda bu mudilu luenza munda muenu kabidi, katshia ku dituku dinuakunvua ne dinuakamanya ngasa wa Nzambi mu bushua.

Efeze 2:17

Ne yeye wakalua, wakanuambila bakadi kule ne bakadi ha buihi lumu lua ditalala;

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

Misambu 98:3

Wakuyuluka luse luandi lujalame ne lulamatu luandi lua bushuwa kudi ba mu tshisamba tshia Bena Isalele. Badi kunfudilu kua buloba bakumona luhandu lua Nzambi wetu.

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Bienzedi 1:2

tô ne ku dituku diakangatshibueye mu diulu, hakamaneye kuambika bapostolo bakasunguleye mikenshi yandi kudi Nyuma Muimpe.