Marke 14:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye wakatuma bayidi bandi babidi, wakabambila ne, Yai mu tshimenga, nenusangile ne mulume utuala mulondo wa mai; numulonde;

MUKANDA WA MYIDI MUKULU

¹³ Ke Yezu kutuma balongi babidi ba ku balongi bende, ubambila ne: — Nuye mu tshimenga. Nenusambakene ne muntu mulume muambule mulondu wa mayi. Numulonde.

Marke 14:13 Referans Kwoze

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

Yowanane 15:14

Nenuikale balunda banyi, binuenza bu mundi nuambila.

Matayi 8:9

Meme kabidi ndi ku nyima kua bakuabo, ndi ne masalayi ku nyima kuanyi; ntu ngambila edi disalayi ne, Ya, yeye waya; ntu ngambila dikuabo ne, Lua, yeye walua; ntu ngambila Buntu wanyi ne, Enza bualu ebu, yeye wenza.

Yowanane 2:5

Mamu wandi wakambila bena mudimu ne, Enzai muanuambileye.

Marke 14:12

Hakalua dituku dia kumudilu dia disanka dia bidia bidi kabi biela luevene, diakashihashihabo bana ba mikoko ya Kuhita kua Yehowa, bayidi ba Yesu bakalua kudiye, bakamuebesha ne, Udi musue tuye kulongolola ha wewe kudila Kuhita kua Yehowa kudi kunyi?

Marke 14:14

nsubu wabueleye nuambile muena nsubu ne, Muyishi udi ukonka ne, Nsubu wanyi wa buenyi unadila bidia bia Kuhita kua Yehowa ne bayidi banyi udi hanyi?