Marke 10:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bakatamba kukema, bakamukonka ne, Ahu udi mumanye mua kusungidibua nganyi?

MUKANDA WA MYIDI MUKULU

²⁶ Balongi bavua bakema amu kukema, bakonkangana ne: — Kadi, nanku udi mua kupanda nnganyi?

Marke 10:26 Referans Kwoze

Bienzedi 16:31

Bakamba ne, Itabusha Mukelenge Yesu, neusungidibue ne ba mu nsubu muebe.

2 Korente 11:23

Bobo badi bena mudimu ba Kilisto, anyi? (Ndi ngakula bu muena kutshimbakana.) Meme ndi mubatambe; mu midimu mihite yabo bungi, mu nkanu misangu mitambe yabo bungi, mu mibundabunda mivule; nakadi hehi ne lufu misangu ya bungi.

Marke 7:37

Bakatamba kukema ne, Wakenza malu onso bimpe, yeye wakunvuisha bakadi ne mahaha, wakakuisha bakadi tumama.

Marke 6:51

Wakabuela mu buatu muakadibo, tshihehele tshiakabatama; bobo bakatamba kukema;

Luke 18:26

Bantu bakunvua dî adi bakamukonka ne, Ahu udi mumanye mua kusungidibua nganyi?

Luke 13:23

Muntu wakamukonka ne, Mukelenge, bantu banya-banya nebasungidibue, anyi? Yeye wakabambila ne,

Marke 10:25

Kubuela kua kamelu mu disu dia kashingi kudi kutamba kubuela kua muntu mubanshi mu bukelenge bua Nzambi butekete.

Marke 10:27

Yesu wakabajosha talalâ, wakabambila ne, Bantu kabena bamanye mua kuenza bualu ebu, kadi Nzambi udi mumanye mua kuenza malu onso.