Marke 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yone wakalua, wakadi ubatiza mu tshihela wambila bantu bualu bua dibanza dia kukudimuna kua mitshima ne mibi yabo ijimishibue.

MUKANDA WA MYIDI MUKULU

⁴ Ke muvua Yowanane mumueneke mu tshipela nanku, uvua utua bantu mu mayi, wela diyi ne: — Kudimunayi nsombelu wenu, banutue mu mayi, Mvidi Mukulu neanujimijile mibi yenu.

Marke 1:4 Referans Kwoze

Yowanane 3:23

Yone kabidi wakadi ubatiza bantu mu Ainona hehi ne Salima, bualu bua mpokolo ya mai yakadiku ya bungi; bantu bakalua, bakabatijibua.

Matayi 3:6

bakabadibua kudiye mu musulu wa Yadene, batonda mibi yabo.

Luke 1:77

Ne bua kumanyisha bantu bandi Luhandu lua kubabuikidila mibi yabo,

Bienzedi 22:16

Udi ushangulukila katataka tshinyi? Bika ubatijibua, uvuibue ku mibi yebe, Ubikila dina diandi.

Bienzedi 10:37

nuenu mene nudi bamanye dî edi, diakutangalashabo mu nseke yonso ya Yudaya dibangila ku Galela ku nyima kua dibatiza diakambabo kudi Yone;

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Marke 1:5

Bantu ba mu luseke luonso ma Yudaya ne bonso ba mu Yelushalema bakumuka, bakaya kudiye; bakabatijibua kudiye mu musulu wa Yadene, batonda mibi yabo.