Malaki 3:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hashishe, bakadi banemeka Yehowa bakasombeshangana, ne Yehowa wakabateleja matshu, wakabumuna, ne mukanda wa tshivulukidi wakafundibua ku mpala kuandi bua kuanyisha bantu aba bakadi batshina Nzambi ne bakadi banemeka dina diandi.

MUKANDA WA MYIDI MUKULU

¹⁶ Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Malaki 3:16 Referans Kwoze

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

Misambu 56:8

Wewe udi ubala nsumpakana anyi; wele binsonshi bianyi mu mulondo webe. Kabiena bifundibua mu mukanda webe, anyi?

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Ebrewu 10:24

Tudielelangane meshi muntu ne muntu bua kuenzeshangana ku dinanga ne ku dienza dia bienzedi bimpe,

1 Tesalonike 5:11

Nunku nusambangane, nudiundishangane muntu ne muntu, bu munudi nuenza kabidi.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Bienzedi 9:31

Nunku bena ekelesia ba mu Yudaya yonso ne ba mu Galela ne ba mu Samalea bakadi ne ditalala, bakadi badiunda mu bualu bua Nzambi; bakadi benda mu dishina dia Mukelenge ne mu disamba dia Nyuma Muimpe; bakadi bavulangana ba bungi.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Bienzedi 10:2

Yeye wakadi mutendeledi muakane, wakadi utshina Nzambi ne ba mu nsubu wandi bonso, wakadi uha bantu bintu bia luse bia bungi, wakadi utendelela Nzambi matuku onso.

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Misambu 34:15

Mesu a Yehowa adi kudi bakane, ne matshu andi adi buashi ku kudila kuabo.

Efeze 5:19

Nusombeshangane ne misambu ya bena kuitabusha ba bale ne ya bena Kilisto ne ya Nyuma; nuimbile Mukelenge misambu, numutumbishe ne biombelu bia mitshima yenu.

Bienzedi 1:13

Hakahinganabo, bakabanda mu nsubu wa mulu, muakadi muikale Petelo ne Yone ne Yakobo ne Andele ne Filipo ne Toma ne Bâtolomayo ne Matayo ne Yakobo muana wa Alafayo ne Simona muena Lukunukunu ne Yuda wa Yakobo.

Danyele 7:10

Ndimi ya kahia yakahatuka kudiye bu musulu, kahia kakela ndimi ku mpala kuandi. Banjelo binunu ne binunu bakamukuatshila mudimu, banjelo binunu dikumi misangu binunu dikumi bakimana ku mpala kuandi. Bena tshilumbuluidi bakashikama bua kukosa bilumbu, bakabutula mikanda.

Luke 2:38

Yeye wakalua ha diba adi, wakasakidila Nzambi, wakambila bonso bakadi batekemene buhikudi bua Yelushalema bualu buandi.

Estere 6:1

Butuku abu mukelenge kakamanya mua kulala tulu; wakamba dî diandi, bakalua ne mukanda wa kulondolola kua malu, bakaubala ku mesu kua mukelenge.

Bienzedi 2:1

Hakalua dituta dia Pentekoste, buonso buabo bakadi hohamue mu muaba umue.

Yeshaya 65:6

Yehowa udi wamba ne, Tangila, dî edi didi difundibue ku mpala kuanyi ne, Tshiena mpuwa talalâ, kadi nembahingishile difutu; bulelela, nembahingishile difutu mu biadi biabo,

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Nsumuinu 13:20

Udi wenda ne bena meji udi ulua muena meji, kadi udi ubuelakana ne bahote neakenge bua bualu ebu.

Misambu 147:11

Kadi Yehowa udi usanka bua badi bamutshina, bua badi ne ditekemena diabo mu luse luandi lujalame.

Misambu 139:4

Bua dî kadiyi dianze kuikala ku ludimi luanyi, ne mona, wewe Yehowa udi mudi manye tshishiki.

Misambu 119:63

Ndi mulunda wa bonso badi bakunemeka, ne wa bonso badi benza bu mudi mei ebe amba.

Misambu 111:10

Ditshina dia Yehowa didi tshibangidilu tshia meji; badi batumikila mikenji yandi badi ne dijingulula dia malu. Butumbi buandi budiku tshiendelele.

Misambu 94:19

Mu divulangana dia matata munda muanyi, masamba ebe adi asankisha mutshima wanyi.

Misambu 66:16

Luai bienu, nunvue, nuenu bonso badi banemeka Nzambi, nennuambile malu akuenzeleye muoyo wanyi.

Misambu 33:18

Monai, mesu a Yehowa adi kudi badi bamutshina, adi kudi badi ne ditekemena diabo mu luse luandi lujalame,

Misambu 20:7

Bakuabo badi beyemena makalu a nvita, bakuabo badi beyemena tubalu; kadi tuetu netutele dina dia Yehowa Nzambi wetu.

Misambu 16:3

Ndi ngamba bua bansanto ba ha buloba ne, Badi bantu bimpe bandi ne disanka bualu buabo.

Misambu 10:4

Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Estere 2:23

Hakadibo balumbulula, bakabusangana ne mbua bushuwa; bakabowa bubidi buabo ku mutshi umue; bakafunda bualu ebu mu mukanda wa kulondolola kua malu ku mpala kua mukelenge.

2 Kulondolola 6:7

Bualu buakadi munda mua mutshima mua tatu wanyi Davidi bua kuibakileye dina dia Yehowa, Nzambi wa Isalele, nsubu.

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

2 Samuele 7:1

Hakadi Mukelenge ushikama mu nsubu wandi ne bakamuha Yehowa dikisha kudi bena lukuna bandi bonso,

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Ebrewu 3:13

kadi nukoleshangane mitshima yenu ku dituku ku dituku hatshidibi bikidibua ne, Lelu, bua mukuabo wenu kakoleshibu ku kudinga kua bubi.

1 Tesalonike 5:14

Bana betu, tudi tunusengelela ne, Nudimushe batshimbakanyi, nukoleshe badi ne mitshima yamba kuhanga, nukuatshishe badi batekete, nuikale ne lutulu kudi bantu bonso.

Misambu 104:33

Nengimbile Yehowa misambu hantshidi ne muoyo; nengimbile Nzambi wanyi misambu ya kumutumbisha nʼai hantshidiku.

1 Bakalenga 18:3

Ahaba wakabikila Obadaya, wakadi ku mutu kua nsubu wandi. Obadaya wakatamba kutshina Yehowa bikole,

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Ekesode 32:32

Kadi katataka biwasua kubabuikidila bubi buabo, kadi biwikala kuyi musue, ndi nkusengelela ne, Unjimishe mu mukanda webe uwakufunda.

Yeshaya 4:3

Hashishe, nebabikile muntu udibo bashiya mu Siona ne utshidi mushale mu Yelushalema ne, Wa Tshijila, mmuntu yonso mene udibo bafunda dina diandi munkatshi mua bantu basungudibue bua kuikaleye ne muoyo mu Yelushalema.

Yirmeya 8:6

Nakuteleja matshu ne nakunua, kadi kabakamba mei makane; kakuena umue udi unyingalala bua bubi buandi, wamba ne, Nakuenza tshinyi? Muntu yonso udi wenda mu nshila udiye mudisunguile, bu mudi kabalu kaya ku nvita kinyika mutu hanshi.

Yirmeya 31:18

Bulelela, nakunvua Efelayima udila nunku ne, Wewe wakunkengesha, ne nakuitabusha bua bankengeshe, bu muana wa ngombe udi kayi mumanye mutshi wa tshikokedi bimpe; umpingashe, ne nempingane kûdi; bualu bua wewe udi Yehowa Nzambi wanyi.

Danyele 12:1

Ku tshikondo atshi Mikaele, mukelenge wa banjelo, mulami wa bana benu, neajuke. Makenga neikaleku, katshia tshisamba tshia bantu tshiabanga tô ne ku tshikondo atshi makenga bu nunku kâkadi manze kumueneka; kadi mu tshikondo atshi bana benu bonso badi ne menʼabo mafunda mu mukanda wa muoyo nebabande.

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Misambu 56:9

Nunku bena lukuna banyi nebahingane ku nyima mu dituku dindi nkubikila. Ndi mumanye bualu ebu ne, Nzambi udi nʼanyi.

Misambu 115:13

Neavudishile badi banemeka Yehowa disanka, ne badi bahuekele ne badi banene.