Malaki 1:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Muana wa balume udi unemeka tatuʼandi, muhika udi unemeka nfumu wandi; kadi bingikala tatu, kunemekibua kuanyi kudi hanyi? Bingikala mukelenge, dintshina didi hanyi! Edi ndikonka dia Yehowa wa misumba kunudi, nuenu bakuidi, badi balengulula dina dianyi. Kadi nudi nunkonka ne, Tuakulengulula dina diebe munyi?

MUKANDA WA MYIDI MUKULU

⁶ — Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Malaki 1:6 Referans Kwoze

Luke 6:46

Ntshinyi tshinudi numbikidila meme ne, Mukelenge, Mukelenge, kanui nuenza bu mundi ngamba?

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Ekesode 20:12

Unemeke tatuʼebe ne mamuʼebe, bua matuku ebe ikale a bungi mu buloba budi Yehowa, Nzambi webe, ukuha.

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

Osheya 12:8

Bena Efelayima bakuamba ne, Tuakulua babanji, tuakuheta biuma; mu malu onso atuakuenza kabena banji kutusangana ne dihanga dia bubi.

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Efeze 6:2

Unemeke tatu webe ne mamu webe (eu udi mukenshi wa kumudilu udi ne mulayi),

Nsumuinu 30:17

Disu dia muntu udi useka tatu, ne udi uhetula ditumikila dia mamu,— nyunyu ya bikololo bia mu tshibanda nebiditue minu, nebiditule, ne bana ba nyunyu itu yadia bintu bibole nebadidie.

Matayi 7:21

Bantu batu bambikila ne, Mukelenge, Mukelenge, kabena babuela bonso mu bukelenge bua mu diulu, anu yeye utu wenza bu mudi Tatu wanyi udi mu diulu musue.

Matayi 6:9

Nutendelele Nzambi nunku: Tatu wetu udi mu diulu, banemeke dina diebe.

Nsumuinu 30:11

Bantu badiku badi bela batatu babo mulau, kabayi bavudishila bamamu babo disanka.

Dielulula 5:16

Unemeke tatuʼebe ne mamuʼebe bu muakanuambila Yehowa, Nzambi webe, bua matuku ebe ikale a bungi, ne bua wewe ukume dikasa dimpe mu buloba budi Yehowa, Nzambi webe, ukuha.

Lewitiki 19:3

Muntu yonso atshine tatuʼandi ne mamuʼandi, nuvuluke matuku a lumingu ndi Yehowa, Nzambi wenu.

Marke 10:19

Wewe udi mumanye mikenshi ya Nzambi ne, Kushihi muntu, kuendi masandi, kuibi, kudingidi muntu, kunyengi tshintu tshia muntu, unemeke tatuʼebe ne mamuʼebe.

Matayi 19:19

unemeke tatuʼebe ne mamuʼebe, Sua mukuenu bu mûdi mudisue.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Yezekiyele 22:26

Bakuidi bandi bakushiha mikenji yanyi, bakunyanga bintu bianyi bia tshijila; kabakusungulula bintu bia tshijila ne bintu bia hatuhu, kabakuyisha bantu mua kujingululabo ditahuluka didi hankatshi ha bintu bibiha ne bidi kabiyi bibiha; bakusokoka mesu abo ku kunyanga kua matuku anyi a mbingu, ne meme ndi muhendibue munkatshi muabo.

Yirmeya 23:11

Yehowa udi wamba ne, Muprofete ne muakuidi badi banyanguke; e, nakusangana malu mabi abo mu nsubu muanyi.

Matayi 15:6

kena unemeka tatuʼandi. Nuenu nuakuona dî dia Nzambi bualu bua bilele bienu,

Malaki 2:8

Kadi Yehowa wa misumba udi wamba ne, Nuenu nuakusesuka mu nshila; nuakulenduisha ba bungi ku diyisha dienu; nuakunyanga dihungila dia Bena Lewi.

Luke 10:29

Kadi yeye wakasua kudibingisha, wakakonka Yesu ne, Mukuetu nganyi?

Luke 6:36

Nufuile bantu luse bu mudi Tatu wenu ufuila bantu luse.

Marke 7:10

Mose wakamba ne, Unemeke tatuʼebe ne mamuʼebe; yeye wakamba kabidi ne, Udi uhetula tatuʼandi anyi mamuʼandi afue biandi bulelela.

Yirmeya 31:9

Nebalue badila muadi; nembalombole ne disengelela; nembendeshe ha buihi ne misulu ya mai, mu nshila mululame mudibo kabayi mua kulenduka; bualu bua ndi tatu wa Bena Isalele, ne Efelayima udi muanʼa bute wanyi.

Luke 18:20

Wewe udi mumanye mikenshi ya Nzambi ne, Kuendi masandi, kushihi muntu, kuibi, kudingidi muntu, unemeke tatuʼebe ne mamuʼebe.

Matayi 15:4

Nzambi wakamba ne, Unemeke tatuʼebe ne mamuʼebe; yeye wakamba kabidi ne, Udi wamba mei mabi bua tatuʼandi anyi mamuʼandi afue biandi bulelela.

Osheya 5:1

Unvuai dî edi, nuenu bakuidi! Nungunvuile, nuenu Bena Isalele! Telejai matshu enu, nuenu ba mu nsubu wa mukelenge! Bualu bua tshilumbu tshidi tshinukuata mene; bualu bua nuakulua buteyi ku Misepa, ne bukuondo buvungulule ha mukuna wa Tabô.

Dielulula 1:31

ne mu tshihela, nuakatangila ne Yehowa, Nzambi wenu, wakanutuala mu maboko, bu mudi tatu utuala muanʼandi mulume, mu nshila yonso inuakaya tô ne hanuakalua ku muaba eu.

Misambu 123:2

Mona, bu mudi mesu a bena mudimu matangisha ku tshianza tshia nfumu wabo, bu mudi mesu a muenu mudimu mukashi matangisha ku tshianza tshia nfumu wandi mukashi; mbu mudi mesu etu atangila Yehowa Nzambi wetu tô ne hatufuileye luse.

Nsumuinu 17:6

Bikulu badi tshifulu tshia butumbi tshia bantu banunu; butumbi bua bana mbatatu babo.

Yeshaya 43:23

Kuakufila mikoko yebe kundi bu milambu ya kuosha, kuakuntumbisha ne milambu yebe mikuabo. Tshiakukunemeshila bujitu bua kufila milambu ya bia kudia, tshiakukutondesha ne difila dia bintu bia muhuya muimpe.

Yirmeya 3:4

Kuakudila kundi mpindiu ne, Tatu wanyi, mulombodi wanyi mu buana buanyi

Yirmeya 35:16

Nunku, bualu bua bana balume ba Yonadaba, muana wa Lekaba, bakutumikila dî dia nkambua wabo diakabambileye, kadi bantu aba kabakungunvuila;

Sefanya 3:4

Baprofete babo badi babuluke ne bena bunsonge; bakuidi babo badi banyanga bintu bia tshijila, ne badi banyanga mikenji.

Malaki 2:1

Nuenu, bakuidi, mukenji eu udi kunudi.

Malaki 2:10

Tuetu bonso katuena ne tatu umue, anyi? Nzambi umue kakatufuka, anyi? Bualu kai tudi tusonguelangana, tunyanga bietu dihungila dia batatu betu?

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Yeshaya 45:10

Mulau wikale kudi muntu udi ukonka tatu ne, Udi ulela tshinyi? Anyi udi webesha mukashi ne, Udi ne didinyenga bua kulela tshinyi?

Yeshaya 64:7

Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.