Luke 9:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muntu yonso udi unfua meme ne mei anyi bundu, Muana wa muntu neamufue yeye bundu, halueye ne butumbi buandi ne bua Tatu ne bua banjelo ba tshijila.

MUKANDA WA MYIDI MUKULU

²⁶ Pikala muntu umfua meme bundu, ubenga kuitaba patoke miaku yanyi, Muana wa muntu neamufue kabidi bundu, paluaye mu butumbi buende, ne mu butumbi bua Tatu, ne bua batumibue bende ba tshijila.

Luke 9:26 Referans Kwoze

2 Timote 2:12

Bituikala tuditantamika, netukokeshe nʼandi kabidi; bituamuvila, yeye neatuvile kabidi;

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

Marke 8:38

Muntu yonso udi unfua meme ne mei anyi bundu mu tshikondo etshi tshia masandi ne tshia malu mabi, Muana wa muntu neamufue yeye bundu, halueye ne banjelo ba tshijila mu butumbi bua Tatu wandi.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;

Yowanane 12:43

Kusua kuabo kua butumbi bua bantu kuakatamba kusua kuabo kua butumbi bua Nzambi.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.

Yuda 1:14

Ne Hanoka, muntu wa muanda mutekete ku nyima kua Adama wakamba mei kudibo kabidi, wamba ne, Tangilai, Mukelenge wakalua ne mbombo ya bantu bandi ba tshijila,

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

Didimanyisha 3:5

Udi uhita bukole nealuatshishibue nunku ne bilulu bitoke, ne meme tshiena njimisha dina diandi mu mukanda wa muoyo nasha kakese, ne nenjukule dina diandi ku mpala kua Tatu wanyi, ne ku mpala kua banjelo bandi.

Didimanyisha 1:7

Tangilai, yeye udi ulua ne matutu; ne disu dionso nedimumone, ne bobo bine bakamutua difuma nebamumone; ne bisamba bionso bia ha buloba nebidile muadi bua bualu buandi. Bulelela. Amen.

Ngalate 6:14

Kadi meme tshitumbidi ku muanda mukuabo; ntumbile bianyi anu bualu bua mutshi mutshiamakane wa Mukelenge Yesu Kilisto, kuakanshihelabo malu a ha buloba, ne kunakashihibua ku malu a ha buloba kabidi.

Matayi 26:64

Yesu wakamuambila ne, Muomu; kadi ndi numanyisha ne, Ku dituku adi nenumone Muana wa muntu mushikame ku tshianza tshia balume tshia Bukole, ulua biandi ha matutu a mu diulu.

Yeshaya 53:3

Bakamulengulula, bakamulekela kudi bantu; wakadi muena kanyinganyinga, wakamanya makenga; wakadi bu muntu udi bantu basokoka mpala yabo kudiye, wakadi muhetudibue, ne katuakumuanyisha nansha.

Ebrewu 13:13

Nunku, tuye bietu kudiye kukala kua tshitudilu, batuala bihendu bia bualu buandi.

Ebrewu 11:26

ubala bihendu bidi bua Kilisto bu bubanshi bunene buhita bibutshidibue bia mu Ejipitu, bualu bua wakatangila tô ne ku dihingishila dia difutu.

2 Korente 12:10

Nunku ndi ne disanka mu matekete ne mu bihendu ne mu malu adi angenzesha ku bukole ne mu makenga ne mu kanyinganyinga bua bualu bua Kilisto; bua hangikala mutekete, mpandi ne bukole.

Danyele 7:10

Ndimi ya kahia yakahatuka kudiye bu musulu, kahia kakela ndimi ku mpala kuandi. Banjelo binunu ne binunu bakamukuatshila mudimu, banjelo binunu dikumi misangu binunu dikumi bakimana ku mpala kuandi. Bena tshilumbuluidi bakashikama bua kukosa bilumbu, bakabutula mikanda.

Yowanane 5:44

Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

1 Timote 5:21

Ndi akolesha buabo, ebu bikole ku mesu kua Nzambi ne kua Kilisto Yesu ne kua banjelo bandi basungula, bua wewe kutumikila malu â kui mudianjile kukosa bualu munda muebe ne kui ne kansungunsungu.