Luke 8:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Au akamata mu mionshi ya meba adi bu bantu bakumpua dî; hatshidibo baya mu nshila, meshi abo ne biuma ne masanka a muoyo udibo nʼau katataka bidi bibafiekela mu nshingu, kabena bakuama maminu aboba.

MUKANDA WA MYIDI MUKULU

¹⁴ Bua bakuabu kabidi, bidi amu bu mudi ntete idi imata mu mitshi ya meba. Badi bumvua muaku wa Mvi-di Mukulu. Kadi disumpakana dia matuku onsu, lukuka lua biuma, ne masanka a panu, bidi bikutakaja muaku, biupangisha mua kukuama bimuma munda muabu.

Luke 8:14 Referans Kwoze

1 Timote 6:17

Udimushe bantu badi babanshi mu tshikondo tshia mpindiu, bua bobo kabadisu, kabateki ditekemena diabo kudi bubanshi budi mua kujimina tshituha tshihi; kadi batekemena Nzambi, udi utuha bintu bionso bivula bua tuetu kusanka nʼabi.

Marke 4:19

kadi meshi a malu a ha buloba ne mashimi a biuma ne lukuka lua malu makuabo bidi bibuela munda, bidi binyengela dî, kadiena dimanye mua kuvuidisha maminu makuabo.

Matayi 13:22

Yeye wakadi mumiamina mu mionshi ya meba udi unvua dî dia Nzambi, kadi meshi a malu a ha buloba ne mashimi a biuma bidi binyengela dî, yeye udi wikala kai ne maminu.

Luke 21:34

Nudilame bimpe, bua mitshima yenu kainemi ne mudiu ne dibuluka dia maluvu ne malu a ha buloba, ne bua dituku adi kadilu kunudi lukasa bu buteyi?

Luke 8:7

Makuabo akamata mu mionshi ya meba, mionshi yakadiunda nʼau, yakânyengela.

2 Timote 4:10

bualu bua Dema wakandekela mumane kusua malu a ha buloba, wakaya ku Tesalonike; Kulesekene wakaya ku Galatia; Tito wakaya ku Dalamatia.

Yowanane 15:6

Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Luke 16:13

Muena mudimu kena mumanye mua kukuatshila banfumu babidi mudimu diakamue; yeye neikale ne mukuabo lukuna ne mukuabo dinanga, anyi nealamate mukuabo neahidie mukuabo. Kanuena bamanye mua kukuatshila Nzambi mudimu ne Mamona diakamue.

Luke 8:13

Ba ha dibue badi bu bantu badi bitabusha dî ne disanka, hakudiunvuabo; kadi Bobo kabena ne miji, badi bitabusha tshituha, ku dituku dia diteta dia munda badi basesuka.

Luke 8:15

Au a mu buloba buimpe adi bu bantu bakunvua dî mu mitshima mimpe ne ya kalolo, badi badilama bikole, badi bavudisha maminu bua dinanukila diabo.

Ebrewu 6:1

Nunku, tushîe diyisha dia malu a tshibangidilu a Kilisto ku nyima, tuyai tô ne ku buakane bua tshishiki; katuteki tshiakabidi bishimikidi bia kukudimuna kua mutshima ku midimu mifue, ne bia ditabusha dia kudi Nzambi,