Luke 4:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bantu bonso bakamuvidila, bakakema bualu bua mei a luse akaluhuka mukana muandi, bakakonka ne, Yeye ke muana wa Yosefe, anyi?

MUKANDA WA MYIDI MUKULU

²² Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Luke 4:22 Referans Kwoze

Yowanane 6:42

Bakakonka ne, Eu kena Yesu, muana wa Yosefe utudi bamanye tatuʼandi ne mamuʼandi, anyi? Ahu munyi mudiye wamba ne, Ndi mufume mu diulu?

Misambu 45:2

Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

Nsumuinu 16:21

Badi babikila muena meji ne, Mujinguludi wa mianda; bulengele bua mei a ku mishiku budi buitabushisha bantu.

Tite 2:8

wikale ne mei malenge adi kâi mua kuhishibua; bua yeye udi ku luseke lua batuhumbishi afuishibue bundu, kai ne mua kuamba dî dibi bualu buetu.

Bienzedi 6:10

Kabakamanya mua kuhita lungenyi luandi ne Nyuma wakadi umuakuisha.

Yowanane 7:46

Tuhalai tuakabakudimuna ne, Kakuakadi muntu kale tô ne katataka wakakula bu mudi muntu eu wakula.

Luke 21:15

meme nenuhe mukana ne lungenyi bidi badi nʼenu lukuna kabai bamanye mua kutantamana ne mua kukudimuna dî.

Yeshaya 50:4

Mukelenge Yehowa wakumpa ludimi lua badi bayila bua meme kumanya mua kukuatshisha muntu muhungile ne dî. Ku dinda ku dinda udi utabala, udi utelejesha ditshu dianyi bua kunvua bianyi bu mudi bayidi bunvua.

Musambu wa Solomo 5:16

Mei a mukana muandi adi mashema; bulelela, yeye udi mutambe bulengele. Nuenu, bana ba bakashi ba mu Yelushalema, mulunda wanyi ne wanyi munanga udi nunku.

Nsumuinu 25:11

Dî diamba mu tshikondo tshiakane didi bu mamuma a tshiamu tshia or mu tshitekelu tshia argent.

Nsumuinu 10:32

Mishiku ya muntu muakane idi mimanye tshidi mua kusankisha bantu, kadi mukana mua bantu babi mudi ne tshitshu.

Misambu 45:4

Mu butumbi buebe wende biebe utamba bukole mu nvita bua malu a bushuwa, a kalolo ne a buakane. Tshianza tshiebe tshia balume tshikuyishe bienzedi bidi bikuatshisha bantu buowa.

Luke 2:47

bantu bonso bakadi bunvua mei andi bakakema bualu bua lungenyi luandi ne bualu bua mei akabandamuneye.

Muambi 10:12

Mei a mukana mua muena meji adi ne kalolo, kadi mishiku ya muhote neyimumine.

Luke 2:48

Hakamumonabo, bakakema; baba wandi wakamukonka ne, Muanʼanyi, wakatuenzela nunku tshinyi? Tatu webe ne meme kabidi tuakukukeba tunyingalala.

Luke 4:21

Yeye wakabanga kubambila ne, Lelu bualu ebu buakafundabo buakujalama mu matshu enu.

Yowanane 1:45

Filipo wakasangana Natanaele, wakamuambila ne, Tuakumona wakafunda Mose mu mikenshi, ne baprofete, Yesu wa ku Nazaleta, muana wa Yosefe.