Luke 23:49 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁹ Bonso bakamanyeye ne bakashi bakadi bafume ku Galela bamulonda bakadi bimanyine ha bule, batangile malu â.

MUKANDA WA MYIDI MUKULU

⁴⁹ Balunda bonsu ba Yezu, kabidi ne bakaji bavua bamulonda biangatshile ku Ngalileya, bavua bimanyine pa bule bua kubandila bionsu bivua bienzeka.

Luke 23:49 Referans Kwoze

Luke 8:2

ne bakashi bakuabo bakumushileye nyuma mibi munda, bakashikisheye matekete abo: Malia wakadibo babikila ne Muena Magadala, bademon muanda mutekete bakumuka munda muandi,

Misambu 38:11

Banangi banyi ne balunda banyi badi bashilangana nʼanyi bualu bua disama dindi nʼadi, ne bana betu badi bimana ha bule.

Luke 23:55

Bakashi bakadi bafume nʼandi ku Galela bamulonda ku nyima, bakatangila lukita ne muakaladikabo tshitalu tshiandi.

Luke 23:27

Tshisumbu tshinene tshia bantu tshiakamulonda ne tshia bakashi bakadi badila bamujinga.

Marke 15:47

Malia wa ku Magadala ne Malia mamu wa Yose bakamona hakamuladikabo.

Misambu 142:4

Utangile ku tshianza tshianyi tshia balume, umone biebe; bua kakuena muntu udi mummanye; kakuena tshinyemenu tshia meme kunyemena, kakuena muntu udi ne muoyo wanyi bualu.

Misambu 88:18

Wewe wakumusha muntu udi unnanga ne mulunda wanyi kundi, wakubateka kule, bandi ntamba kumanya bimpe badi ba mu mîdima.

Matayi 27:61

Malia wa ku Magadala wakadiku, ne Malia mukuabo, bakadi bashikame batangile buludiludi bua lukita.

Yobe 19:13

Wakûmusha bana betu kundi, balunda banyi bonso bakulua bu bantu ba bende kundi.