Luke 22:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hakashikishabo kudia, yeye wakamema luhanza muomumue kabidi, wakamba ne, Luhanza elu ludi dihungila dihia-dihia dia mu mashi anyi akunumatshishilabo hanshi.

MUKANDA WA MYIDI MUKULU

²⁰ Balongi bamane kudia, Yezu kubapesha kabidi dikopu, wamba ne: — Dikopu edi ntshiovu tshipiatshipia tshia Mvidi Mukulu, tshidibu bashindika ne mashi anyi, adibu bapumuna bualu buenu.]

Luke 22:20 Referans Kwoze

1 Korente 11:25

Muomumue kabidi, hakashikishabo kudia, yeye wakamema luhanza, wamba ne, Luhanza elu ludi dihungila dihia-dihia dia mu mashi anyi; misangu yonso inualunua, enzai nunku bua kunvuluka.

Matayi 26:28

bualu bua elu ludi mashi anyi a dihungila, akamatshila bantu ba bungi bualu bua kubajimishila mibi yabo.

Zekâya 9:11

Wewe kabidi, Umanye ne, Bualu bua mashi a tshihungidi tshianyi nʼebe, nempatule bantu bebe batshidi mu buhika mu tshina tshidi katshiyi ne mai.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Ekesode 24:8

Mose wakangata mashi, wakâmiamma hamʼbidi ha bantu, wakamba ne, Tangilai mashi a dihungila, diakuhunga nʼenu Yehowa bua mei au onso.

Ebrewu 12:24

ne kudi Yesu, mutuanganyi wa tshihungidi tshihia-tshihia, ne ku mashi adibo bamiamina adi atamba mashi a Ebele kuakula bimpe.

Yirmeya 31:31

Yehowa udi wamba ne, Monai, mu matuku alualua, nempunge tshihungidi tshihia-tshihia ne Bena Isalele ne Bena Yuda.

Ebrewu 9:17

Bualu bua tshihungidi tshidi ne bukole bikalaku lufu lua muenʼatshi; katshiena ne bukole mu matuku atshidi mutshihungi ne muoyo.

2 Korente 3:6

yeye wakatukumbasha kabidi bu bena mudimu ba dihungila dihia-dihia; kendia maleta a mikenshi mafunda, kadi dia nyuma: bualu bua maleta mafunda adi avuisha lufu, kadi nyuma udi uvuisha muoyo.

Ebrewu 9:15

Bua bualu ebu yeye udi mutuanganyi wa tshihungidi tshihia-tshihia, bua lufu lumane kulua bua dihikula diabo dia ku malu masambuka mikenshi adi munshi mua tshihungidi tshia kumudilu, babo bakubutidibua badi mua kuangata mulabi wa buhianyi bua tshiendelele.

Marke 14:24

Yeye wakabambila ne, Etshi tshidi mashi anyi a dihungila, akamatshila bantu ba bungi.