Luke 16:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Mulami wa bintu wakadikonka ne, Mukelenge wanyi ukadi ha kunyenga bulami buanyi, nengenze tshinyi? Tshiena ne bukole bua kudima nʼabu, bundu nebunkuate bua kulombalomba bantu bintu tshianana.

MUKANDA WA MYIDI MUKULU

³ Ke mulami wa bintu kudikonka nkayende ne: “Mfumuanyi wa mudimu udi unnyenga bintu bimvua mumulamine. Mpindiewu nengenze tshinyi? Tshiena ne bukole bua kudiina. Bundu budi bungenza bua kushala muena lulombu.

Luke 16:3 Referans Kwoze

2 Tesalonike 3:11

Bua tudi tunvua lumu lua banga badi benda batshimbakana munkatshi muenu, kabai benza mudimu nasha kakese, kadi badi bena bienzenza.

Bienzedi 3:2

Muntu mulume mulela njeku wakadi mutuala kudi bantu, bakadi bamuteke ku dituku ku dituku ku tshibi tshia ntempelo tshidibo babikila ne, Tshimpe, bua kulombeye bakadi babuela mu ntempelo bintu.

Yowanane 9:8

Bena kuabo ne bakamumona diambedi ne, Mulombi, bakakonka ne, Eu kanyeye wakadi ushikama ulomba, anyi?

Luke 18:4

Yeye kakasua kubuenza musangu mule, kadi ku nyima wakamba munda munda ne, Bulelela, tshiena ntshina Nzambi, tshiena nemeka bantu,

Luke 16:22

Hashishe mulombi wakafua, banjelo bakaya nʼandi mu tshiadi tshia Abalahama; muntu mubanshi kabidi wakafua, bakamujika.

Luke 16:20

Mulombi wa bintu wakadiku, dina diandi Lazalo, bakamuladika ku tshibi tshiandi, mubidi wandi wonso wakadi ne mputa;

Luke 12:17

wakelangana meshi munda ne, Ngenze tshinyi? Tshiena ne ha kusangishila bintu bianyi.

Marke 10:46

Bakalua ku Yeleko; hakadiye uluhuka mu Yeleko ne bayidi bandi ne bantu bakuabo ba bungi, muana wa Timayo, dina diandi Bâtimayo, mufofo mulombi, wakadi ushikama kukala kua nshila.

Osheya 9:5

Nenuenze tshinyi mu disanka dia kudia bia kudia, ne mu dituku dia bidia bia disanka dia Yehowa?

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yeshaya 10:3

Nenuenze tshinyi mu difuku dia kunulumbuluisha, ne dia kubutuka kudi kufuma ku muaba mule? Nenunyemene kudi nganyi bua yeye ankuatshishe? Nenushiye biuma bienu kudi kunyi?

Nsumuinu 29:21

Udi udiundisha muhika wandi bimpe ku buana tô ne hakoleye, kunshikidilu neikale kudiye bu muanʼandi muledibue.

Nsumuinu 20:4

Muhote kena udima budimi tshikondo tshidi mashika a banga; nunku hakebeye bia kudia mu tshikondo tshia kunowa, kena ne tshintu.

Nsumuinu 19:15

Bufuba budi buladika muntu tulu tukole, ne muena bukata neikale ne nzala.

Nsumuinu 18:9

Muntu udi ulenguluka mu mudimu wandi udi muanʼabo ne mubutudi.

Nsumuinu 15:19

Nshila wa mufuba udi ne luhangu lua mingonge ya meba, kadi nshila wa bantu bakane udi bu tshibebe tshibatamisha.

Nsumuinu 13:4

Mufuba udi usamina muoyo, kena ubiheta, kadi muoyo wa muena disuminyina udi ûshibua tente ne diakalengele.

Estere 6:6

Nunku Hamana wakabuela. Mukelenge wakamuebesha ne, Nebenzele muntu udi mukelenge musue kunemeka tshinyi? Nunku Hamana wakadi wamba mu mutshima wandi ne, Nganyi udi mukelenge usanka bua kunemeka muntambe meme?

Bienzedi 9:6

kadi bika, ubuele mu musoko, nebakuambile bualu bûdi nʼabu mbua kuenza.

Matayi 20:8

Hakamba diba kubuela, muena budimi wakambila mulami wa bintu biandi ne, Bikila bena mudimu, ubahe difutu diabo, uhangile kudi ba kunshikidilu tô ne kudi ba diambedi.

Luke 16:2

Wakamubikila, wakamukonka ne, Bualu buebe bunakunvua budi tshinyi? Umpeshe mukanda wa bulami buebe, bualu bua wewe kuena mumanye mua kushala mulami kabidi.

Luke 16:4

Ndi mumanye bualu bua meme kuenza; hangumushabo mu bulami, bantu bangitabushe bua meme kubuela mu nsubu yabo.