Lewitiki 8:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Mose wakatshiawila, wakangata mashi atshi, wakâlaba ku lusongo lua ditshu dia ku tshianza tshia balume dia Alona ne ku tshiala tshia ku tshianza tshia balume ne ku munu munene wa dikasa diandi dia balume.

MUKANDA WA MYIDI MUKULU

²³ Moshe kukosa tshimpanga atshi muminu, kulaba Arone mashi atshi ku lusongu lua ditshi, ku tshiala ne ku muana nkasa munene bia ku luseke luende lua dia balume.

Lewitiki 8:23 Referans Kwoze

Ekesode 29:20

Wewe neashihe tshimpanga, angata mashi atshi, wateke ku lusongo lua ditshu didi ku tshianza tshia balume tshia Alona, ne ku lusongo lua ditshu ku tshianza tshia balume tshia bana bandi balume, ne ku tshiala tshia ku tshianza tshiabo tshia bukole, ne ku muanʼa dikasa munene dia ku tshianza tshia balume, umiamine mashi ha tshioshelu tshionso.

Lewitiki 14:17

Muakuidi nealabe manyi adi ashala mu tshianza tshiandi ku lusongo lua ditshu dia ku tshianza tshia balume dia muntu udiye musue kulengesha ne ku tshiala tshiandi tshia ku tshianza tshia balume ne ku muanʼa dikasa munene wa ku tshianza tshia balume ha mutu ha mashi a mulambu wa disambuka dia mikenji,

Lewitiki 14:14

Muakuidi neangate mashi a mulambu wa disambuka dia mikenji, nealabe mashi ku lusongo lua ditshu dia ku tshianza tshia balume dia muntu udiye musue kulengesha, ne ku tshiala tshia ku tshianza tshiandi tshia balume, ne ku muanʼa dikasa munene wa ku tshianza tshia balume.

Filipe 2:17

E, bulelela, binahongolodibua ha mulambu ne ha ditendelela dia ditabusha dienu, ndi nsanka bianyi, ne ndi nsanka ne buonso buenu;

Filipe 1:20

Mbu mudi dialamina dianyi dikole ne ditekemena dianyi ne, tshiena nfuishibua bundu nasha mu bualu bumue; kadi bu munakamana kuenza misangu yonso ne dikima dionso, nunku katataka Kilisto neatumbishibue mu mubidi wanyi, nasha buikala ku muoyo Bau, nasha buikala ku lufu luau.

1 Korente 6:20

Bualu bua nuakasumbibua ku mushinga mukole; nunku nutumbishe Nzambi mu mubidi wenu.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

1 Korente 1:2

tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

Rome 6:19

(Ndi ngakula ne tshiakuidi tshia bantu bualu bua butekete bua mibidi yenu.) Bu munuakafila bituha bia mibidi yenu bu bahika ba bukoya ne malu mabi ha mutu ha malu mabi, nunku katataka filai bituha bia mibidi yenu bu bahika ba buakane bua kudijidila.

Rome 6:13

Kanufidi bituha bia mibidi yenu ku bubi, bu bielelu bia nvita bia malu mabi; hadi nudifile kudi Nzambi bu bantu bakubika ku lufu, nufile bituha bia mibidi yenu kabidi bu bielelu bia nvita bia buakane kudi Nzambi.

Lewitiki 14:28

muakuidi nealabe manyi adi mu tshianza tshiandi tshia bakashi ku lusongo lua ditshu dia ku tshianza tshia balume dia muntu udiye musue kulengesha ne ku tshiala tshiandi tshia ku tshianza tshia balume ne ku muanʼa dikasa munene wa ku tshia nza tshia balume, ha mutu ha mashi a mulambu wa disambuka dia mikenji,

Ebrewu 5:8

nasha yeye muikale Muana, wakayila ditumikila ku malu akakengeye nʼau.

Ebrewu 2:10

Bua bualu buakadi buakane kudiye, bua bualu buandi bintu bionso bidiku, ne bintu bionso bidi bifukibua ku bukole buandi, hakalomboleye bana ba bungi ku butumbi, bua kuvuisha kapitene ka luhandu luabo mu buakane buonso ku makenga.

1 Tesalonike 5:22

nuehuke ku malu mabi a mushindu wonso.

Ekesode 29:21

Wewe newangate mashi adi ha tshioshelu, ne manyi adibo bela ha mutu, ubimiamine Alona, ha bilulu biandi ne ha bana bandi balume ne ha bilulu biabo, yeye ne bilulu biandi ne bana bandi balume ne bilulu biabo nebikale bijidibue.

Lewitiki 7:37

Eu udi mukenji wa mulambu wa kuosha ha kahia ne wa mulambu wa bukula ne wa mulambu wa kubuikila nʼau bubi ne wa mulambu wa kusambuka kua mikenji, ne wa tshijila tshia bakuidi, ne wa mulambu wa kuvuisha nʼau ditalala,

Lewitiki 14:25

Yeye neashihe muana wa mukoko wa mulambu wa disambuka dia mikenji, ne muakuidi neangate mashi makuabo a mulambu wa disambuka dia mikenji, nealabe ku lusongo lua ditshu dia ku tshianza tshia balume dia muntu udiye musue kulengesha ne ku tshiala tshia ku tshianza tshia balume ne ku muanʼa dikasa munene wa ku tshianza tshia balume.