Lewitiki 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Neavule bilulu ebi, nealuate bilulu bikuabo, neatuale butue ku butshika bua tshitudilu ku muaba mutoke.

MUKANDA WA MYIDI MUKULU

¹¹ Nanku anu bantu balume ba ku ndelanganyi ya Arone, ke badi mua kudia bukula bua mulambu abu. Bualu mbukula bua mulambu wa Maweja-Nangila budiye mupeshe ndelanganyi ya Arone kashidi. Kadi muntu yonsu mukuabu walenga tshitupa tshia mulambu ewu, nebamunyoke.”

Lewitiki 6:11 Referans Kwoze

Yezekiyele 44:19

Hahatukabo bua kubuela mu tshiendelu tshia ha bule, bua kusangakena ne bantu bakuabo, bavule bivualu bidibo baluata bakuatabo mudimu mu ntempelo, babiteke mu nsubu yaya ya tshijila; baluate bivualu bikuabo, bua kabavuishi bantu bakuabo bu ba tshijila ku bivualu biabo.

Lewitiki 4:12

ne mubidi wandi mujima, neabituale ku butshika bua tshitudilu ku muaba muteke kudibo bela butue, neabioshe ha nkunyi ne kahia, yeye neabioshile kudibo bela butue.

Lewitiki 16:27

Muana mulume wa ngombe wa mulambu wa kubuikila nʼau bubi ne mbushi wa mulambu wa kubuikila nʼau bubi miena mashi akaluabo nʼau bua ku buikila bubi mu muaba wa tshijila nebaye nʼai ku butshika bua tshibi dilu, neboshe biseba biai ne munyinyi wai ne tuma tuai mu kahia.

Lewitiki 4:21

Yeye neatuale muana mulume wa ngombe ku butshika bua tshitudilu, neamuoshe ha kahia bu muakenzeye ne muana mulume wa ngombe wa kumudilu eu udi mulambu wa kubuikila nʼau bubi bua bantu bonso.

Lewitiki 6:10

Muakuidi nealuate bilulu biandi bia lin ne mihanu ya lin, neangate butue bua kahia kakosha mulambu wa ha tshioshelu, neabuteke hehi ne tshioshelu.

Lewitiki 6:12

Kahia ka ha tshioshelu kakajimi nansha, muakuidi neatekehu nkunyi dinda ne dinda, nealonge mulambu wa kuosha ha tshioshelu, neoshe dianyi dia mulambu wa kuvuisha nʼau ditalala.

Ekesode 29:37

Wewe neubuikile mibi idi ha tshioshelu matuku muanda mutekete, utshijidile, tshioshelu netshikale bu tshintu tshitambe tshia tshijila, muntu yonso udi ulenga tshioshelu neikale wa tshijila.

Lewitiki 6:20

Eu udi mulambu wa Alona ne bana bandi balume udibo bafila kudi Yehowa mu dituku didibo bela manyi ha mutu tshia dikumi tshia épha wa bukula bubotesha bu mulambu wa bukula, neafile tshituha dinda ne tshituha tshikuabo dilolo.

Lewitiki 6:22

Muakuidi wa munkatshi mua bana balume ba Alona, udibo bela manyi ha mutu bua kuhianeye mudimu wandi, neaufile kudi Yehowa bu muakelabo mukenji tshiendelele, neboshe mulambu eu mujima.

Lewitiki 7:6

Bana balume bonso ba bakuidi nebaudie mu muaba wa tshijila, etshi ntshintu tshitambe tshijila.

Lewitiki 24:9

Bintu ebi mbia Alona ne bana bandi balume, ne nebabidie mu muaba udi wa tshijila bualu bua bidi bitambe tshijila ku mesu kua Yehowa munkatshi mua mulambu yonso idibo bosha ha kahia. Eu udi mukenji wa tshiendelele.