Lewitiki 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hahileye bua bualu bubi, yeye neatonde bualu bubi buakenzeye

MUKANDA WA MYIDI MUKULU

⁵ “Muntu yonsu udi wenza tshilema tshia ku bitudi batela ebi, mmuena tshibawu, atonde bubi buende budiye muenze.

Lewitiki 5:5 Referans Kwoze

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Dibadika 5:7

nunku yeye neatonde bubi buakenzeye, neahingishe bintu bionso biakangateye, neasangishe tshintu tshia tshitanu ha mutu habi, neabihingishe kudi nfumu wabi wakenzeye bubi.

Lewitiki 26:40

Bobo nebatonde mibi yabo, nebatonde mitu ya batatuʼabo kabidi disambuka diabo dia mikenji ne kumpidia kuabo,

Lewitiki 16:21

Alona neatentekashe bianza biandi bibidi ha mutu ha mbushi udi ne muoyo, neatondele Bena Isalele mabi yabo ne disambuka diabo dionso dia mikenji ne malu mabi abo onso, neatentekashe malu mabi onso ha mutu ha mbushi, nebamuihate mu tshihela ku tshianza tshia muntu wakasunguleye diambedi,

Rome 10:10

Bualu bua bantu badi bitabusha ne mutshima bua kuheta buakane, badi bajukula ne mukana bua kuheta luhandu.

Yoshua 7:19

Yoshua wakambila Akana ne, Muanʼanyi, ndi nkusengelela ne, Utumbishe Yehowa, Nzambi wa Isalele, umutondele bubi buebe; ungambile buwakuenza, kubusokoki kundi nansha.

Danyele 9:4

Nakatendelela Yehowa Nzambi wanyi, nakalonda mibi yanyi kudiye, nakamba ne, Mukelenge, Nzambi mimene udi ukuatshisha bantu buowa, udi ulonda tshihungidi tshiandi ne udi ulesha luse lujalame kudi bantu badi bamunanga ne badi batumikila mikenji yandi;

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Misambu 32:5

Nakatonda bubi buanyi kûdi, tshiakasokoka dihambuka dianyi ku buakane. Nakamba ne, Nentonde matomboka anyi kudi Yehowa; ne wewe wakandekelela dihila dia bubi buanyi.

Yobe 33:27

Udi wimba ku mpala kua bantu, wamba ne, Nakuenza bibi, nakukonyangasha malu akadi malulame diambedi, Nzambi kakanfutshisha dikenga diakanangane ne bubi buanyi.

Lewitiki 5:13

Muakuidi neafile mulambu wa kumubuikidila nʼau bubi buakenzeye, ne bubi buandi nebuikale bubuikidibue, tshituha tshia bukula tshidi tshishale netshikale tshia muakuidi, bu mudibo benza ne mulambu wa bukula.