Lewitiki 5:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bienza muntu bualu bubi, yeye mumane kuditshiha ne muikale mumanyi wa bualu, mubumone ne mesu andi, mubumanye mu mutshima wandi kadi yeye muhidie kumanyisha bantu, yeye neadituadile dihila dia bubi buandi.

MUKANDA WA MYIDI MUKULU

¹ “Padibu babikila muntu kampande kudi balumbuluishi bua kujadika bualu budiye mumvue nansha mumone ne mesu, kadi yeye ubenga bua kujadika bualu abu, mmuena tshibawu.

Lewitiki 5:1 Referans Kwoze

Lewitiki 5:17

Bienza muntu bualu bubi budi Yehowa uhidia, kayi mumanye bualu, yeye neahile, neadituadile dihila dia bubi buandi.

Nsumuinu 29:24

Udi wabanyangana ne muibi udi ukina muoyo wandi mene, udi unvua mei a mulau hamutshihishabo, kena usokolola bualu.

Matayi 26:63

Kadi Yesu wakahua. Muakuidi munene wakamuambila ne, Ndi nkutshihisha mu dina dia Nzambi udi ne muoyo, udi biebe Kilisto Muana wa Nzambi, anyi?

Lewitiki 19:8

muntu yonso udi ûdia neadituadile bubi buandi, bualu bua yeye wakuona tshintu tshijila tshia Yehowa, nebumushe muntu au munkatshi mua bana babo.

Lewitiki 7:18

Biadieye tshituha tshia munyinyi wa mulambu wa kuvuisha nʼau ditalala tshidi tshishale tô ne ku dituku disatu, kabena bitabusha mulambu wandi, kabena baubala, netshikale bu tshintu tshibole, ne mundi udi udia munyinyi neadituadile bubi buandi.

Yezekiyele 18:4

Tangilai, mioyo ya bantu bonso nyanyi; bu mudi muoyo wa tatu nguanyi, nunku muoyo wa muanʼandi wa balume nguanyi kabidi; muntu udi wenza bualu bubi, yeye muine neafue.

1 Bakalenga 8:31

Bienzela muntu mukuandi bibi, ne biamukuata bualu bua kuditshiheye nʼabu, biabueleye mu nsubu webe bua kuditshiheye ku tshioshelu tshiebe,

Dibadika 9:13

Kadi mundi udi kayi munyanguke, ne udi kayi muye ku luendu, udi uhidia kuvuluka kuhita kua Yehowa, nebumushe muntu au munkatshi muabo; bualu bua yeye kakafila mulambu wa Yehowa mu tshikondo tshiau, muntu au neadituadile bubi buandi.

Lewitiki 20:17

Biangata mulume muanʼabo mukashi, muana wa tatuʼandi anyi muana wa mamuʼandi, biavuleye bilulu biandi, ne biamuvula mukashi bilulu, ebu mbualu bua bundu, nebumushibue munkatshi mua bana babo, yeye wakavula muanʼabo mukashi bilulu, yeye nendituadile bubi buandi.

Lewitiki 17:16

Kadi biahidieye kuvuwa bilulu biandi anyi mubidi wandi, yeye neadituadile bubi buandi.

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

Yezekiyele 18:20

Muntu udi wenza bibi nyeye muine udi ufua; muana wa balume kena ne bua kuhila bua mibi ya tatu, ne tatu kena ne bua kuhila bua mihi ya muanʼandi wa balume. Buakane bua muntu muakane nebuikale hamʼbidi handi, bubi bua muntu mubi nebuikale hamʼbidi handi.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Nsumuinu 30:9

bua meme tshiukutshi, tshikubengi, tshiandi ne, Yehowa nganyi? Anyi bua tshikadi muhele ne tshibi bianyi, bua tshinyangi dina dia Nzambi wanyi.

Misambu 38:4

Bualu bua malu mabi anyi akûla, akuhita ha mutu hanyi. Bu bujitu bunene, adi atamba kunnemena bujitu.

2 Kulondolola 18:15

Mukelenge wakamuambila ne, Bundi nʼabu mbua kukudimusha misangu bungi munyi bua wewe kungambila anu malu malelela mu dina dia Yehowa?

1 Bakalenga 22:16

Mukelenge wakamuambila ne, Bundi nʼabu mbua kukutshihisha misangu dungi munyi bua wewe kungambila anu dî dilelela mu dina dia Yehowa?

Balombodi 17:2

Yeye wakambila mamu wandi ne, Bituha bia argent tshinunu tshimue ne lukama lumue biakibabo kudi, bua wewe wakela bantu mulau bualu buai, wakamba bualu ebu mu matshu anyi; mona, argent ndi nʼai, meme nguakayangata. Mamu wandi wakamba ne, Yehowa akuvudishile disanka, muanʼanyi.

Lewitiki 5:15

Biasambuka muntu ku mikenji bua kuenza bualu bubi ku mpukahuka mu malu a tshijila a Yehowa, yeye neafile mulambu wa disambuka dia mikenji kudi Yehowa, tshimpanga tshidi katshiyi ne tshitema mushinga wa nshekele wa mu nsubu wa Nzambi bu mulambu wa disambuka dia mikenji.

Lewitiki 4:2

Wambile Bena Isalele ne, Bienza muntu bualu bubi ku mpukahuka budi Yehowa uhidia,

Ekesode 22:11

ditshiha dia Yehowa nedikale hankatshi ha bubidi buabo bua kujingulula ne, Yeye kakalenga bintu bia mukuandi tshianza, ne bitabusha mukelenge wa nyama au nunku, mukuandi kena ne bualu bua kumufuta.

Yirmeya 23:10

Bualu bua buloba budi bûle tente ne bena masandi; buloba budi bujinga bualu bua mulau, ne mpata ya mu tshihela yakudishila mikoko yakufubidila Badi benda mu malu mabi, bukole buabo kabuena buakane.