Lewitiki 4:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Neoshe dianyi dionso ha tshioshelu, bu muakenzeye ne dianyi dia mulambu wa kuikisha nʼau ditalala, muakuidi neafue mulambu wa ku buikila nʼau bubi buandi ne bubi buandi nebuikale bubuikidibue.

MUKANDA WA MYIDI MUKULU

²⁶ Munyinyi wa mafuta onsu udi mushale, mutuangaji awoshe pa tshilambuilu, bu mudibu benza bua mulambu wa bobumue. Nanku mutuangaji akobolole mfumu wa bena Izrayele anu mushindu ewu bua Mvidi Mukulu amufuile luse.

Lewitiki 4:26 Referans Kwoze

Lewitiki 4:20

Yeye nênze nunku ne muana mulume wa ngombe, bu muakenzeye ne muana mulume wa ngombe wa mulambu wa kubuikila nʼau bubi bua bantu, muakuidi neafile mulambu wa kubuikila nʼau bubi buabo nunku, ne bubi buabo nebuikale bubuikidibue.

Dibadika 15:28

Muakuidi neafile mulambu wa kubuikila nʼau bubi bua mundi wakenza bualu ku mpukahuka ku mpala kua Yehowa, ne bubi buandi nebuikale bubuikidibue.

Lewitiki 5:10

Neafile nyunyu muibidi bu mulambu wa kuosha ha kahia, bu muakadi mikenji, muakuidi neafile mulambu wa kumubuikidila nʼau bubi buandi ne bubi buandi nebuikale bubuikidibue.

Lewitiki 4:35

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu muakenzeye ne milambu ya kuosha ha kahia, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 4:31

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu tshintu tshidi tshitue dihembu kudi Yehowa, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 3:5

Bana balume ba Alona nebabioshile ha tshioshelu, ha nkunyi idi mu kahia tshintu etshi ntshintu tshia mulambu wa kuosha ha kahia, bu tshintu tshidi tshitua dihembu kudi Yehowa.

Lewitiki 6:7

muakuidi neafile mulambu wa kumubuikidila nʼau bubi kudi Yehowa ne bubi buakenzeye nebuikale bubuikidibue.

Lewitiki 5:18

Neafile tshimpanga tshidi katshiyi ne tshilema kudi muakuidi tshia mushinga ûdi witabusha bu mulambu wa disambuka dia mikenji, ne muakuidi neafile mulambu wa disambuka dia mikenji buakenzeye ku mpukahuka, kayi mubumanye, ne bubi buandi nebuikale bubuikidibue.

Lewitiki 5:16

Yeye neahingishe mushinga wa tshintu tshia tshijila ne tshituha tshitanu ha mutu, neabifile mu bianza bia muakuidi, ne muakuidi neafile tshimpanga bu mulambu wa disambuka dia mikenji, ne bubi buandi nebuikale bubuikidibue.

Lewitiki 5:13

Muakuidi neafile mulambu wa kumubuikidila nʼau bubi buakenzeye, ne bubi buandi nebuikale bubuikidibue, tshituha tshia bukula tshidi tshishale netshikale tshia muakuidi, bu mudibo benza ne mulambu wa bukula.

Lewitiki 1:4

Yeye neatenteke tshianza tshiandi ha mutu ha ngombe wa mulambu ne Yehowa neawitabushe bua kubuikidila nʼau bubi buandi.

Lewitiki 4:19

Neumushe dianyi dionso, neadioshe ha tshioshelu.

Lewitiki 12:8

Bikaleye kayi ne mushinga wa muana wa mukoko, alue biandi ne nyunyu ya nkutshi ibidi anyi mputu nyunyu ibidi, umue bu mulambu wa kuosha ha kahia ne mukuabo bu mulambu wa kubuikila nʼau bubi, muakuidi munene neayifile bua kumubuikidila nʼau bubi, ne yeye neikale mulengeshibue.

Lewitiki 14:18

manyi adi ashala mu tshianza tshia muakuidi, nêle ha mutu ha muntu udiye musue kulengesha, muakuidi neafile mulambu wa kubuikila nʼau bubi buandi ku mpala kua Yehowa.

2 Kulondolola 29:24

bakuidi bakayishiha, bakafila mashi ai ha tshioshelu bua kubuikila nʼau mibi ya Bena Isalele bonso; bualu bua mukelenge wakela mukenji wandi bua bobo bafidile Bena Isalele bonso milambu ya kuosha ne ya kubuikila nʼai mibi.

Lewitiki 15:15

ne muakuidi neayifile bu mulambu wa kubuikila nʼau bubi ne mukuabo bu mulambu wa kuosha ha kahia, muakuidi neafue milambu ya kumubuikidila nʼai bubi ku mpala kua Yehowa bualu bua tufina tuandi.

Lewitiki 17:11

Bualu bua mashi adi bu muoyo wa tshintu nakanuha mashi ha tshioshelu bualu bua kunubuikidila nʼau bubi buenu mashi adi anubuikidila bubi bualu bua muoyo wau.

Lewitiki 19:22

Muakuidi neafile mulambu wa kumubuikidila nʼau bubi buakenzeye ku mpala kua Yehowa, ne bubi buandi buakenzeye nebuikale bubuikidibue.

Dibadika 15:25

Muakuidi neafile mulambu wa kubuikidila Bena Isalele bonso bubi, ne bubi buabo nebuikale bubuikidibue, bualu bua bobo bakahanga ne bakalua ne milambu yabo, mulambu wa kuosha ha kahia kudi Yehowa, ne mulambu wa kubuikila hau bubi ku mpala kua Yehowa, bualu bua dihanga diabo;

Yezekiyele 43:22

Halua dituku dibidi, fila mpumbu wa mbushi udi kayi ne tshilema bu mulambu wa kubuikila nʼau mibi; nunku tshioshelu ne tshilengeshibue bu muakalengeshibuatshi ku mulambu wa mulumʼa ngombe.