Lewitiki 4:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Neumushe dianyi dionso, neadioshe ha tshioshelu.

MUKANDA WA MYIDI MUKULU

¹⁹ Kadi mutuangaji umushe mafuta onsu a ngombe awu, awoshe pa tshilambuilu.

Lewitiki 4:19 Referans Kwoze

Ebrewu 9:14

mashi a Kilisto, wakadifila kudi Nzambi kai ne ditoba, bua Nyuma wa Tshiendelele, neatambe misangu bungi munyi kulengesha muoyomukese webe ku midimu mifue bua kukuatshila Nzambi udi ne muoyo mudimu?

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Misambu 22:14

Ndi muhongoloke bu mai, mifuba yanyi yonso idi mihauke mu manungu ai; mutshima wanyi udi bu dihula, wakufingatuka munda muanyi.

Dibadika 15:25

Muakuidi neafile mulambu wa kubuikidila Bena Isalele bonso bubi, ne bubi buabo nebuikale bubuikidibue, bualu bua bobo bakahanga ne bakalua ne milambu yabo, mulambu wa kuosha ha kahia kudi Yehowa, ne mulambu wa kubuikila hau bubi ku mpala kua Yehowa, bualu bua dihanga diabo;

Lewitiki 14:18

manyi adi ashala mu tshianza tshia muakuidi, nêle ha mutu ha muntu udiye musue kulengesha, muakuidi neafile mulambu wa kubuikila nʼau bubi buandi ku mpala kua Yehowa.

Lewitiki 12:8

Bikaleye kayi ne mushinga wa muana wa mukoko, alue biandi ne nyunyu ya nkutshi ibidi anyi mputu nyunyu ibidi, umue bu mulambu wa kuosha ha kahia ne mukuabo bu mulambu wa kubuikila nʼau bubi, muakuidi munene neayifile bua kumubuikidila nʼau bubi, ne yeye neikale mulengeshibue.

Lewitiki 6:7

muakuidi neafile mulambu wa kumubuikidila nʼau bubi kudi Yehowa ne bubi buakenzeye nebuikale bubuikidibue.

Lewitiki 5:6

yeye neafile mulambu kudi Yehowa wa disambuka dia mikenji, nansha muana mukashi wa mukoko nansha muana mukashi wa mbushi, bu mulambu wa disambuka dia mikenji, ne muakuidi neafile mulambu bua kumubuikidila nʼau bubi buandi.

Lewitiki 4:35

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu muakenzeye ne milambu ya kuosha ha kahia, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 4:31

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu tshintu tshidi tshitue dihembu kudi Yehowa, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 4:26

Neoshe dianyi dionso ha tshioshelu, bu muakenzeye ne dianyi dia mulambu wa kuikisha nʼau ditalala, muakuidi neafue mulambu wa ku buikila nʼau bubi buandi ne bubi buandi nebuikale bubuikidibue.