Lewitiki 26:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bungi bua bantu benu badi bashala nebikale ne mitshima mitekete mu buloba bua bantu badi nʼabo lukuna, nebanyeme hunvuabo tshiona tshia dibeshi dia mutshi didi dinyunga kudi luhehele, nebanyeme bu mundi udi unyema ku muele wa nvita, nebadishinde, mundi kayi ubihata.

MUKANDA WA MYIDI MUKULU

³⁶ “Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Lewitiki 26:36 Referans Kwoze

Yezekiyele 21:7

Hakukonkabo ne, Bualu kai udi uhumuna muoyo? Wewe ubakudimune dî ne, Bualu bua lumu ludi lulua; ne halunvuabo, mitshima ya bantu bonso neyihandike, maboko onso neikale matekete, mioyo ya bantu bonso neyihange, binu bionso nebitekete-teketê bu mai. Mukelenge Yehowa udi wamba ne, Tangila, bualu ebu hudi bulua, nebuenjibue.

Yeshaya 30:17

Tshinunu tshienu netshinyeme bua kufuna kua bulobo kua muntu umue; bua kufuna kua bulobo kua bantu batanu nenunyeme, tô ne hadibo banushiya bu mutshi wa dibendela ha mutu ha mukuna mule, ne bu dibendela ha mutu ba mukuna muihi.

Lewitiki 26:17

Meme nengumushe mesu anyi kunudi, nenuhone ku mpala kua bantu badi nʼenu lukuna, bantu badi nʼenu lukuna nebanukokeshe, nenunyeme tshianana, bantu kabayi banze ku nuihata.

Yezekiyele 21:15

Nakubabishila muele wa nvita bua kubakuatshisha buowa, tô ne hahandika mitshima yabo, bua bantu ba bungi badishinde hehi ne bibi biabo bionso. Muele wa nvita udi uhenya bu muele wa nvula, udi musekeshibue bua kushiha nʼau bantu!

Yezekiyele 21:12

Muana wa muntu, asa muadi, dila biebe! Bualu bua muele udi utaha bantu banyi ne bakokeshi bonso ba Bena Isalele. Bakabateka ku mpata kua muele wa nvita, bobo ne bantu banyi hohamue. Nunku uditute ku tshibelu.

Yeshaya 7:4

Wambile Ahaza ne, Udimuke biebe, wikale talalâ! Kutshinyi, ne mutshima webe kauteketshi, bualu bua nshikidilu ya bimunyi ebi bibidi bidi bihatula anu muishi wa kahia, bua tshiji tshikole tshia Lesine ne Bena Sulia ne tshia muana wa Lemalaya.

Yeshaya 7:2

Bakambila ba mu nsubu wa Davidi ne, Bena Sulia bakuasa tshitudilu tshiabo mu buloba bua Efelayima. Mutshima wa mukelenge wakazakala, ne mitshima ya bantu bandi yakazakala, bu mudi mitshi ya muitu izakala ku mpala kua luhehele.

Nsumuinu 28:1

Bantu babi badi banyema kakuyi muntu udi ubihata, kadi bantu bakane badi ne dikima bu dia nyama wa ntambue.

2 Kulondolola 14:14

Bobo bakahaula misoko yonso yakadi ha buihi ne Gela, bualu bua ditshina dia Yehowa diakabakuata. Bakahaula misoko ei yonso, bualu bua mu misoko ei muakadi bintu bia bungi.

1 Samuele 17:24

Hakatangila Bena Isalele bonso muntu au, bakamunyema, bakatamba kutshina.

Yoshua 5:1

Hakunvua bakelenge bonso ba Bena Amole bakadi dishiya dia Yadene dia ku wesete, ne bakelenge bonso ba Bena Kanâna bakadi bashikama kukala kua mai manene, lumu ne, Yehowa wakûmisha mai a Yadene ku mpala kua Bena Isalele tô ne hakasabukabo bonso, hashishe mitshima yabo yakahandika, kabakadi ne dikima kabidi bualu bua Bena Isalele.

Dielulula 1:44

Bena Amole bakadi bashikama ku mikuna bakaluhuka kunudi, bakanuihata bu mbulubulu, bakanunyemesha mu Sei tô ne ku Hôma.

Genese 35:5

Bakaya ku luendu luabo, ditshina dia Nzambi diakadi ku misoko yakadi ha buihi nʼabo, ne bena musoko kabakalonda bana ba balume ba Yakoba.

Genese 4:12

hawadima buloba, kabuena bukumeneshila bintu bimpe, wewe newikale munyemi ne muena tshiendenda ha buloba.

Lewitiki 26:35

Buloba nebuikale ne bidimu bia buhafe tô bu bungi bua bidimu binuakuhidia kushiya buloba bua kubandabu hanuakashikamamu.

Yoshua 7:5

Bena Ai bakashiha bantu bu makumi asatu ne basambombo, bakabihata ku tshibi tshia musoko tô ne ku Shebalima: bakabashiha mu tshibanda kabidi; mitshima ya bantu yakatekete-teketê, yakakudimuka bu mai.

Yobe 13:25

Udi musue kuzakasha dibeshi didi luhehele lumane kunyungisha, anyi? Newihate bisonsa biume, anyi?

Misambu 53:5

Ku muaba wawa badi ne buowa bukole, bakuatshike buowa buakadi kabuyiku diambedi. Bualu bua Nzambi neatangadishe mifuba ya muntu udi wasa tshitudilu tshiandi bua kukuluisha. Wewe neubafuishe bundu ku mesu bualu bua Nzambi wakubabenga.

Yirmeya 37:10

Nansha binuatamba masalayi onso a Bena Kasada adi aluangana nʼenu bukole, biashala bantu badi batahika mputa muntu ne muntu mu ntenta wandi, bakadi kubika ne bi kadi kuosha musoko eu ne kahia.

Yirmeya 46:16

Yeye wakalenduisha ba bungi; bulelela, bakadishinda, mukuabo ha mutu ha mukuabo. Bakuamba ne, Jukai, tuhingane bietu kudi bana betu, ku buloba kuakutulelabo, bua kuhanduka ku muele wa nvita udi utukengesha.

Muadi 1:3

Bakuya ne Yuda mu buhika bua kuikaleye ne dikenga ne bua kuenzeye mudimu mukole wa buhika; udi mushikame munkatshi mua bisamba bia bantu, kena uheta dikisha, bakadi bamuihata bakamukuata mu ntatu yandi.

Muadi 1:6

Bulengele buonso bua muana mukashi wa Siona buakumuka; baminyampala bandi bakulua bu ngulungu idi kayiyi iheta mashinde, idi inyema kayiyi ne bukole ku mpala kua udi uyihata.

Muadi 4:19

Batuihatshi bakahita nyunyu ya mikanku ya mulu kuya lubilu; bakatuihata tô ne ha mikuna, bakatualamina mu tshihela.

Misambu 53:6

Nakadi kusua bua luhandu lua Bena Isalele lufume ku Siona! Hakudimuna Nzambi buhika bua bantu bandi bua kubaha diakalengele, Yakoba neasanke, ne Bena Isalele nebikale ne disanka kabidi.

Misambu 89:43

E, wakutshihasha ditua dia muele wandi wa nvita, kuakumujadika bua yeye kudimanyika mu nvita.

Osheya 8:3

Bena Isalele bakubenga malu adi makane; badi nʼandi lukuna nebamulonde.