Lewitiki 24:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Nudi ne mukenji muomumue kudi muenyi ne kudi mundi muledibue mu nsubu yenu bualu bua meme ndi Yehowa, Nzambi wenu.

MUKANDA WA MYIDI MUKULU

²² “Mikenji eyi idi bua bantu bonsu, nansha benyi, nansha bena Izrayele. Bualu meme ndi Maweja-Nangila Mvidi Mukulu wenu.”

Lewitiki 24:22 Referans Kwoze

Ekesode 12:49

Mukenji umue newikale kûdi ne kudi muntu muledibue mu buloba buenu ne muenyi udi ushikama munkatshi muenu.

Dibadika 9:14

Bikala muenyi munkatshi muenu udi musue kuvuluka kuhita kua Yehowa, yeye nênze bu mudi mikenji ya kuhita kua Yehowa, nenuikale ne mukenji umue kudi muenyi ne kudi muntu mulela munkatshi muenu.

Dibadika 15:29

Nenuikale ne mukenji umue kudi muntu mulela munkatshi mua Bena Isalele ne kudi muenyi udi munkatshi muenu, henzeye bualu bubi ku mpukahuka.

Lewitiki 19:34

Muenyi udi ushikama munkatshi muenu ikale bu muntu udi muledibue mu nsubu yenu, numusue bu munudi badisue, bualu bua nuenu nuakadi benyi mu buloba bua Ejipitu meme ndi Yehowa, Nzambi wenu.

Lewitiki 17:10

Muntu yonso wa mu bisamba bia Bena Isalele anyi wa benyi ba munkatshi muabo udi udia mashi, meme nengumushe mesu anyi kudi muntu au udi udia mashi nemmumushe munkatshi mua bana babo.

Lewitiki 24:23

Mose wakambila Bena Isalele nunku, ne bobo bakaluhuka ne muena bihendu ku butshika bua tshitudilu, bakamukuma ne mabue Bena Isalele bakenza bu muakambila Yehowa Mose.

Dielulula 1:16

Meme nakadimusha balumbuluishi benu tshikondo atshi ne, Unvuai bilumbu bia bana benu, nulumbulule bilumbu bia muntu ne muanʼabo mulume ne muenyi udi nʼandi biakane.