Lewitiki 21:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kanyangishi bana bandi munkatshi mua bana babo nansha, bualu bua meme ndi Yehowa wakamujidila.

MUKANDA WA MYIDI MUKULU

¹⁵ bua ndelanganyi ya bantu badi kabayi batuangaji, kayimonyi mua kuvua kubuela mu diku dia batuangaji. Bualu meme ndi Maweja-Nangila, udi mumujidile bua kungenzela mudimu.”

Lewitiki 21:15 Referans Kwoze

1 Korente 7:14

Bualu bua mulume udi kai muena ditabusha udi mujidila mu mukashi wandi, ne mukashi udi kai muena ditabusha udi mujidila mu mulume wandi udi muena ditabusha; bikala bualu ebu kabui nunku, bana benu batshidi babiha; kadi katataka badi ba tshijila.

Rome 11:16

Bikala bintu bia kunowa bia kumudilu bia tshijila, bionso nebikale bia tshijila; bikala muji wa tshijila, matamba adi muomumue kabidi.

Malaki 2:15

Nzambi kakatufuka ne kakatuha muoyo, anyi? Yeye udi ukeba tshinyi? Udi ukeba bana badi banemeka Nzambi. Nunku nudimuke bienu bua umue wenu kalekedi mukashi wa ku bunsongalume buandi.

Malaki 2:11

Yuda wakalekela Yehowa, tshinyangu tshiakenjibua mu Isalele ne mu Yelushalema; bualu bua Yuda wakanyanga tshitendelelu tshia Yehowa tshidiye unanga, ne wakubaka mukashi mutendeledi wa nzambi wa bende.

Ezela 9:2

Bualu bua bobo ne bana babo balume bakadiangatshila bana bakashi ba bantu aba bu bakashi babo; nunku bantu ba tshijila bakabuelakana ne bena maloba â; bulelela, bantu banene ne bakokeshi bakadianjila kuenza bubi ebu.

Ezela 2:62

Bobo bakakeba mena abo mu mukanda wa kulondolola kua bankambua, kadi kabakâsangana; nunku bakadi bu bantu banyanguke, bakabumusha mu buakuidi.

Lewitiki 21:8

Nunku wewe neumujidile bualu bua yeye udi ufila milambu kudi Nzambi webe, bualu bua meme Yehowa wakamuidika, ndi wa tshijila.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

Matayi 23:17

Nuenu nudi bafofo bahote, tshintu kai tshidi tshitambe tshikuabo, ngolo anyi ntempelo ngudi uvuisha ngolo wa tshijila?

Lewitiki 21:14

Kabaki mukashi wa mu lufuila anyi mukashi wakahidiabo kudi mulume wandi anyi mukashi udi munyanga anyi mukashi wa masandi, yeye neabake mukashi utshidi kamama wa munkatshi mua bana babo.

Lewitiki 21:16

Yehowa wakambila Mose ne,

Ekesode 34:16

bua nuenu kanubikidi bana babo ba bakashi kudi bana benu ba balume; ne bana babo ba bakashi badi benda masandi ku mpingu yabo ka-benzeshi bana benu ba balume masandi kudi mpingu yabo.

Lewitiki 19:2

Wambile Bena Isalele ne, Nuikale bantu ba tshijila bualu bua meme Yehowa, Nzambi wenu, ndi wa tshijila.

Lewitiki 20:7

Nudilengeshe nunku, nuikale bantu ba tshijila bualu bua meme ndi Yehowa, Nzambi wenu.

Lewitiki 22:16

bua kabatekedi bantu bujitu bua bubi bua bakuidi hadia bakuidi bintu bia tshijila bia bantu meme ndi Yehowa wakabajidila.