Lewitiki 19:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nutumikile mei anyi. Kanubueshakanyi bimuna bienu, kanukunyi ntete ya mishindu ibidi mu budimi bumue, kanuluatshi bilulu bikuma ne munda mashilangane.

MUKANDA WA MYIDI MUKULU

¹⁹ “Nulame kabidi mikenji eyi: Kanuteki mu bimuna bienu nyama ya mishindu ibidi mishilangane bua kulelanganayi. Kanumiaminyi mu madimi enu maminu a mishindu ibidi mishilangane. Kanuvuadi bilamba bitela ne manda a mishindu ibidi mishilangane.

Lewitiki 19:19 Referans Kwoze

2 Samuele 13:29

Bantu ba Abashaloma bakenzela Amenona bu muakabambila Abashaloma. Hashishe bana balume bonso ba mukelenge bakabika, bakabanda ha nyima ha nyama ya mpunda, bakanyema.

2 Samuele 18:9

Abashaloma wakasangila ne bantu ba Davidi ku mpukahuka. Abashaloma wakadi wenda ha nyima ha nyama wandi wa mpunda; nyama wandi wakabuela muinshi mua matamba a mutshi munene wa telebinta; mutu wandi wakakuata ku ditamba dia mutshi, ne yeye wakakanana hankatshikatshi kulu kule, hanshi hale, ne nyama wakadiye nʼandi wakahita.

Ezela 2:66

Tubalu tuabo tuakadi nkama muanda mutekete ne makumi asatu ne tusambombo; nyama yabo ya mpunda nkama ibidi ne makumi anai ne itanu;

1 Bakalenga 1:33

Mukelenge wakabambila ne, Angatai bantu ba mukelenge wenu, nuendeshe Solomo, muanʼanyi, ha nyima ha mpunda wanyi mene, nuye nʼandi ku Gihona.

Rome 11:6

Kadi bikaladi bualu bua ngasa, kendia kuenza kua mikenshi kabidi; bua bikaladi nunku, ngasa kena kabidi ngasa.

Genese 36:24

Aba mbana ba Sibiona Aya ne Ana muntu eu Ana wakasangana mishimi yakadi ihatuka mai a kahia mu tshihela, hakadiye udisha nyama ya mpunda ya tatuʼandi Sibiona.

Lewitiki 18:4

Nuenu nuenze mei anyi ne mikenji yanyi, nubilonde meme ndi Yehowa, Nzambi wenu.

Lewitiki 19:37

Nutumikile mei anyi onso ne mikenji yanyi yonso, nubienze, meme ndi Yehowa.

Lewitiki 20:8

Nutumikile mikenji yanyi, nuyenze meme ndi Yehowa udi unulengesha.

Lewitiki 22:31

Nuenu nenutumikile mikenji yanyi, nengenze meme ndi Yehowa.

Lewitiki 25:18

Nuenu nenutumikile mei anyi ne mikenji yanyi, nenubienze, nenushikame mu buloba talala.

Dielulula 4:1

Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Dielulula 4:5

Monai, nakanuyisha mei ne mikenji, bu muakangambila Yehowa, Nzambi wanyi, bua nuenu kubienza mu buloba bunudi nubuela bua kubuhiana.

Luke 5:36

Yeye wakabelela lusumuinu ne, Bantu kabatu bahanda tshihesa tshia tshmialu tshihia-tshihia bualu bua kutshitelalula ha tshmialu tshikulukulu; bienzabo nunku, nebabande tshivualu tshihia-tshihia, ne tshihesa tshiatshi kabidi katshiena tshiakanangane ne tshikulukulu.