Lewitiki 17:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua ndi musue Bena Isalele bangate milambu idibo basue kushihela mu tshisuku, balue nʼai kudi Yehowa, ku mbelu kua ntenta wa kusangakena kudi muakuidi, bayifile bu mulambu ya kuvuisha nʼai ditalala kudi Yehowa.

MUKANDA WA MYIDI MUKULU

⁵ Nenku bilondeshile mudi mukenji awu, bena Izrayele kabatshiena mua kushipela nyama ku misoku. Kadi bayifile ne muoyi kudi mutuangaji mu mushiku wa ntenta, bua ayilambule Maweja-Nangila bu mulambu wa bobumue.

Lewitiki 17:5 Referans Kwoze

Yezekiyele 22:9

Ba munkatshi muenu bakusonguelangana bua kumatshishabo mashi a bakuabo hanshi; munkatshi muenu muakadi bantu bakadia bintu bielela mpingu ha mikuna; munkatshi muenu muakadi bantu bakulonda malu a masandi.

Yezekiyele 20:28

Bualu bua hanakalua nʼabo mu buloba bunakaditshiha bua kubaha, ne bobo bakatangisha mesu abo ku mukuna wonso mule anyi ku mutshi wonso wa mabeshi a bungi, bakafilahu milambu yabo, bakafilahu bintu biakankuatshisha tshiji; bakoshelaku bintu bia muhuya muimpe, bakahongololaku milambu ya bia kunua.

2 Kulondolola 28:4

Yeye wakafila milambu, wakosha musenga wa manananshi ha mutu ha mikuna ne muinshi mua mitshi mibishi yonso.

2 Bakalenga 17:10

bakadijadikila makunshi ne Bashela ku mutu kua mikuna yonso ne muinshi mua mitshi mibishi yonso.

2 Bakalenga 16:4

Wakafila milambu ya kuosha ha kahia ne musenga wa manananshi ha mutu ha mikuna ne ha tukuna ne muinshi mua mitshi mibishi yonso.

1 Bakalenga 14:23

Bualu bua bobo bakenza bitendelelu ne makunshi a kutendelela ne Bashela ha mutu ha mikuna yonso ne muinshi mua mitshi mibishi yonso;

Dielulula 12:2

Nuenu nudi ne bualu bua kujimisha miaba yonso yakadi bisamba binudi nuihata bitendelelaku nzambi yabo ku mutu kua mikuna mile, ne ku mutu kua tukuna tukese ne muinshi mua mitshi mibishi.

Ekesode 24:5

Yeye wakatuma bansongalume ba Bena Isalele, bakoshila Yehowa nyama, bakamushihela ngombe ya milambu ya kuvuisha nʼai ditalala.

Genese 31:54

Yakoba wakafua mulambu wa kuosha ba kalua ku mukuna, Wakabikila bantu bandi bua kudiabo bidia, bakadia bidia, bakalala ku mukuna butuku abu

Genese 22:13

Abalahama wakabandisha mesu andi, wakamona ku nyima kuandi tshi-mpanga tshiakadi ne nsengu yatshi mile mikuata ku mutshi Abalahama wakaya, wakangata tshimpanga, wakatshishihela Nzambi mu muaba wa muanʼandi.

Genese 22:2

Yeye wakamba ne, Wangate muan ebe mulume, muana umuehele, ûdi munange, Isaka mene, uye biebe mu buloba bua Moliya, umufileku bu mulambu wa kuosha ha kalua, ha mutu ha mukuna undualua kukulesha.

Genese 21:33

Abalahama wakakuna mutshi ku Be-sheba, wakabikilaku dina dia Yehowa, Nzambi wa Kashidi.

Lewitiki 17:4

kayi nulue n andi ku mbelu kua ntenta wa kusangakena bua kumufila bu mulambu wa Yehowa ku mpala kua nsubu wa Yehowa, nebamubale bu muhite bua mashi akamatshisheye hanshi, yeye wakamatshisha mashi hanshi, nebumushe mundi au munkatshi mua bana babo.

Lewitiki 17:6

Muakuidi neamiamine mashi ku tshioshelu tshia Yehowa, neoshe dianyi bu mulambu udi ulua dihembu kudi Yehowa.

Yezekiyele 43:27

Hashika matuku au, ku dituku dia muanda mukulu tô ne tshiendelele bakuidi bafile milambu yenu ha tshioshelu, milambu yenu ya kuoshela Yehowa, milambu yenu ya kuvuisha nʼai ditalala kabidi; Mukelenge Yehowa udi wamba ne, Meme nenuitabushe.

Yezekiyele 44:15

Mukelenge Yehowa udi wamba ne, Kadi bakuidi ba munkatshi mua Bena Lewi, bana ba Sadoka, bakadi balama tshitendelelu tshianyi hakahambuka Bena Isalele bua kumuka kundi, bobo bine basemene ha buihi hanyi bua kunkuatshilabo mudimu; bimane ku mpala kuanyi bua kufila manyi ne mashi kundi.

1 Bakalenga 3:2

Anu bualu bumue, bantu bakatshidi bashihela Nzambi nyama ha mutu ha mikuna, bualu bua nsubu wa dina dia Yehowa kakanza kubakibua matuku au.

1 Bakalenga 3:3

Solomo wakananga Yehowa, wakenda mu mikenji ya Davidi tatu wandi; kadi anu bualu bumue, yeye wakashiha nyama, wakosha musenga wa manananshi ha mutu ha mikuna.