Lewitiki 14:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Halua dituku dia muanda mutekete, yeye neangate bana balume ba mikoko babidi badi kabayi ne tshilema ne muana mukashi wa mukoko wa tshidimu tshimue udi kayi ne tshilema ne bituha bisatu bia dikumi bia épha bia bukula bubotesha bu mulambu wa bukula busangisha ne manyi ne dikoho dia manyi.

MUKANDA WA MYIDI MUKULU

¹⁰ “Dituku dia muanda mukulu, muena nsudi awu, afile bana ba mikoku babidi badi kabayi ne bulema, ne lukungulu lua mukoku lua tshidimu tshimue kaluyi bulema. Afile kabidi kilo tshitema ya bukula bua mulambu busambakaja ne mafuta, ne tshitupa tshia litre tshia makuabu mafuta.

Lewitiki 14:10 Referans Kwoze

Lewitiki 2:1

Halua muntu ne mulambu wa bukula kudi Yehowa, neafile bukula bubotesha, newelehu manyi ne musenga wa manananshi,

Luke 5:14

Yesu wakamuambila bikole ne, Kuambidi muntu bualu ebu; uye biebe, udimueneshe kudi muakuidi wa Nzambi, udie biakamba Mose bu tshimanyishilu ku mesu kua bantu bualu bua kulengeshibua kuebe.

Marke 1:44

wakamuambila ne, Kuambidi muntu bualu ebu; uye biebe, udileshe kudi muakuidi, ufile biakamba Mose bu tshimanyishilu ku mesu kua bantu bualu bua kulengeshibua kuebe.

Matayi 8:4

Yesu wakamuambila ne, Kuambidi muntu bualu ebu, uye biebe, udileshe kudi muakuidi wa Nzambi, ufile tshiakamba Mose bu tshimanyishilu ku mesu kua bantu.

Lewitiki 14:21

Bikaleye muntu muhele udi kayi mua kusangisha bintu ebi bionso, neangate muana mulume wa mukoko umue bu mulambu wa disambuka dia mikenji bua kunyukula kudi Yehowa bua kumubuikidila nʼau bubi buandi, ne tshituha tshimue tshia dikumi tshia épha tshia bukula bubotesha busangisha ne manyi ne dikoho dia manyi

Lewitiki 14:15

Muakuidi neangate dikoho dia manyi, nele munda mua tshianza tshiandi tshia bakashi,

Lewitiki 14:12

Muakuidi neangate umue wa bana balume ba mikoko, neamufile bu mulambu wa disambuka dia mikenji, ne dikoho dia manyi, neabinyukule bu mulambu udibo banyukula ku mpala kua Yehowa;

1 Petro 1:19

kadi nuakahikudibua ku mashi a mushinga mukole, bu a muana wa mukoko kai ne tshilema ne kai ne ditoba, ku mashi a Kilisto mene;

Yowanane 6:51

Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

Yowanane 6:33

Bua bidia bia Nzambi mbiobio bîdi bifuma mu diulu, bidi biha ba ha buloba muoyo.

Yowanane 1:29

Hakatshiabu, yeye wakamona Yesu ulua kudiye, wakamba ne, Tangilai, Muanʼa mukoko wa Nzambi, udi umusha bubi bua ba ha buloba!

Dibadika 28:20

ne milambu yabi ya bukula bubotesha busangisha ne manyi bintu bisatu bia dikumi ku ngombe ne bintu bibidi bia dikumi ku tshimpanga,

Dibadika 6:14

neafile mulambu wandi kudi Yehowa, muana mulume wa mukoko udi kayi ne tshilema wa tshidimu tshimue bu mulambu wa kuosha ha kahia, ne muana mukashi wa mukoko udi muakane wa tshidimu tshimue bu mulambu wa kubuikila hau bubi, ne tshimpanga tshidi tshiakane bu mulambu wa kuvuisha nʼau ditalala,

Lewitiki 23:13

Nenufile diatshimue ne mulambu wa bukula wa bituha bibidi bia dikumi bia épha busangisha ne manyi, mulambu wa kutua dihembu dimpe muoshile Yehowa, nenufile mulambu wa nvinyo wa kunua wa tshituha tshinai tshia hin.

Lewitiki 9:1

Hakahita matuku muanda mukulu, Mose wakabikila Alona ne bana bandi balume ne bakulu ba Bena Isalele,

Lewitiki 4:32

Bialueye ne muana wa mukoko bu mulambu wa kubindila nʼau bubi, nealue biandi ne mukashi wa mukoko udi kauyi ne tshilema.

Lewitiki 2:13

Neutuishe milambu yonso ya bukula ne luehu, kanulekedi luehu lua tshihungidi tshia Nzambi mu milambu yenu ya bukula, tuishai milambu yonso ne luehu.

Lewitiki 2:11

Kanulu kudi Yehowa ne mulambu wa bukula budi busangisha ne luevene, kanuoshi luevene anyi buitshi bu mulambu wa kuoshila Yehowa.

Lewitiki 1:10

Bikala mulambu wandi wa kuosha muana wa mukoko anyi muana wa mbushi, yeye neafile mulume udi kayi ne tshilema.

Ekesode 29:40

Woshe muana umue wa mukoko ne tshia dikumi tshia tshihiminu tshia bukula busangisha ne tshia tshinai tshia tshihiminu tshia manyi, ne tshia tshinai tshia tshihiminu tshia nvinyo bu mulambu wa kunua.

Lewitiki 14:11

Muakuidi udi ulengesha muntu neashikike muntu udiye musue kulengesha ne bintu ebi ku mpala kua Yehowa ku mbelu kua ntenta wa kusangakena.

Dibadika 7:43

Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

Lewitiki 1:3

Bikala mulambu wandi wa kuosha wa muana wa ngombe, neafile mulume udi kayi ne tshilema, neamushihele ku mbelu kua ntenta wa kusangakena, ne Yehowa neamuitabushe.