Lewitiki 10:2 - Mukanda wa Nzambi Dihungila Dikulukulu ne Dihungila Dihia-dihia 2003

² Kahia bakahatuka kudi Yehowa, kakabosha, bakafua ku mpala kua Yehowa.

MUKANDA WA MYIDI MUKULU

² Diakamue kapia kufuma kudi Maweja-Nangila, kubosha, kubashidisha muaba awu.

Lewitiki 10:2 Referans Kwoze

Dibadika 26:61

Nadaba ne Abihu bakafua hakafuabo kahia kakadi kakayi ka tshijila kudi Yehowa.

Dibadika 16:35

Kahia bakahatuka kudi Yehowa, kakosha balume nkama ibidi ne makumi atanu bakadi bafila musenga wa manananshi.

Lewitiki 9:24

Kahia bakahatuka kudi Yehowa, kakosha mulambu ne dianyi biakadi ha tshioshelu, hakakatangila bantu bonso, bakela mbila, bakatua mpala hanshi.

2 Samuele 6:7

Tshiji tshia Yehowa tshiakatemena bualu bua Uza; Nzambi wakamushihelaku bua dihanga diandi; yeye wakafuaku hehi ne mushete wa Nzambi.

1 Korente 10:11

Malu â akadi abakuata bu bifuanyikishi, akafundibua bua kutudimusha, kutudi mene kuakufika nshikidilu wa bikondo.

Bienzedi 5:10

Yeye wakahona hanshi lukasa ku makasa andi, wakahuola muoyo wandi; bansongalume bakabuela, bakamusangana mufue, bakaluhuka nʼandi, bakamujika hehi ne bayandi.

Bienzedi 5:5

Hakunvua Anania mei â, wakahona hanshi, wakahuola, muoyo wandi; buowa bunene buakakuata bantu bonso bakunvua bualu ebu.

Yeshaya 30:33

Bualu bua bakumana kulongolola tshioshelu tshia kuoshelahu bitalu; e, bakutshilongoluela mukelenge; bakutshivuisha tshile ne tshinene; bakutentekashaku makala ne nkunyi ya bungi; muhuya wa Yehowa, udi bu musulu wa soufre, udi ubitemesha.

1 Kulondolola 24:2

Kadi Nadaba ne Abihu bakafua diambedi tatu wabo kayi muanji kufua; kabakadi ne bana nansha; nunku Eleazâ ne Itamâ bakenza mudimu wa buakuidi.

1 Kulondolola 15:13

Bualu bua nuenu kanuakautuala diambedi, Yehowa Nzambi wetu wakahatuka kutudi bua kukukengesha, bualu bua tuetu katuakakeha disua diandi mu mukenji eu.

1 Kulondolola 13:10

Tshiji tshia Yehowa tshiakatema kudiye, yeye wakamushiha bualu bua yeye wakolola tshianza tshiandi bua kulengeye mushete; yeye wakafuilaku ku mpala kua Yehowa.

2 Bakalenga 1:12

Eliya wakabambila ne, Bingikala muntu wa Nzambi, kahia kafuma mu diulu, kakuoshe ne bantu bebe makumi atanu. Kahia kakafuma kudi Nzambi, kakamuosha ne bantu bandi makumi atanu.

2 Bakalenga 1:10

Eliya wakambila kapitene ka bantu bandi makumi atanu ne, Bingikala muntu wa Nzambi, kahia kafume mu diulu, kakuoshe ne bantu makumi atanu badi nʼebe. Kahia kakafuma mu diulu kakamuosha ne bantu bandi makumi atanu.

1 Samuele 6:19

Nzambi wakabutula Bena Bete-shemeshe bualu bua bobo bakatangila munda mua mushete wa Yehowa, wakashiha bantu binunu makumi atanu ne makumi muanda mutekete: bena musoko bakadila muadi bualu bua Yehowa wakashiha bantu ba bungi ne kushiha kukole.

Dibadika 16:49

Bungi bua bantu bakafua ku disama edi bakadi binunu dikumi ne binai ne nkama muanda mutekete, ha mutu ha bantu bakafua bua bualu bua Kola.

Lewitiki 16:1

Yehowa wakayikila ne Mose ku nyima kua lufu lua bana balume ba Alona hakaluabo ku mpala kua Yehowa ne hakafuabo.

Lewitiki 10:5

Nunku bakalua ha buihi, bakabatuala mu bikowelu biabo ku nyima kua tshitudilu, bu muakamba Mose.

Ekesode 24:1

Yehowa wakambila Mose ne, Ulue biebe kudi Yehowa ne wewe ne Alona ne Nadaba ne Abihu ne bakulu ba Bena Isalele makumi muanda mutekete, nuntendelele ha bule.

1 Bakalenga 18:38

Hashishe kahia ka Yehowa kakahona hanshi, kakosha mulambu ne nkunyi ne mabue ne dinfuenkenya ne kakakamisha mai akadi mu mutuhu.

Yobe 1:16

Hakatshidiye wakula, mukuabo wakalua, wakamba ne, Kahia kafuma kudi Nzambi kakatuluka mu diulu, kakosha mikoko ne bansongalume bakadi bayilama, kakabishidisha. Anu meme nkayanyi nakuhanduka bua kukuambila.

Misambu 50:3

Nzambi wetu udi ulua, kena uhuwa talalâ, kahia kadi ku mpala kuandi kadi kosha bintu, tshihuhu tshitambe bukole tshidi tshimunyunguluka.

Dibadika 14:37

balume aba mene bakalua ne lumu tubi lua buloba bakafua ne disama dikole ku mpala kua Yehowa.

1 Bakalenga 13:28

Wakaya, wakasangana tshitalu tshiandi mu nshila ne mpunda ne nyama wa ntambue bimane ha buihi nʼatshi; nyama wa ntambue kakadia tshitalu tshiandi, kakahandulula mpunda.