Kolose 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mei enu ikale ne ngasa misangu yonso, matue bu lueho, bua nuenu mimanye mua kuandamuna muntu ne muntu dî.

MUKANDA WA MYIDI MUKULU

⁶ Miaku yenu ibasankishe, ibalengelele. Numanye mua kuandamuna muntu yonsu bimpe.

Kolose 4:6 Referans Kwoze

Efeze 4:29

Dî dibi kadihatuki mukana muenu; kadi ambai anu mei mimpe adi mua kudiundisha bantu bua kuvuidishila bantu badi baunvua disanka.

1 Petro 3:15

kadi nujidile Kilisto mu mitshima yenu bu Mukelenge; nuikale badilongolola misangu yonso, bua kukudimuna dî kudi muntu yonso udi unukonka bua muanda wa ditekemena didi munda muenu; kadi nuenze nunka ne kalolo ne dishina.

Muambi 10:12

Mei a mukana mua muena meji adi ne kalolo, kadi mishiku ya muhote neyimumine.

Marke 9:50

Lueho ludi luimpe; kadi hatshihala lueho kutua kualu, nenulutuishe kabidi ne tshinyi? Ikalai ne lueho munda muenu, ikalanganai talalâ.

Nsumuinu 15:4

Ludimi ludi luamba mei a kalolo ludi bu mutshi wa muoyo, kadi ludi luamba mei a buhidia ludi lunyanga mutshima.

Nsumuinu 15:7

Mishiku ya bena meji idi itangalasha lungenyi, kadi mitshima ya bahote kayena yenza nunku.

Kolose 3:16

Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

Matayi 5:13

Nuenu nudi lueho lua buloba; hatshihala lueho kutua kualu, nebalutuishe kabidi ne tshinyi? Ludi tshianana, nebaluimashe, nebaludiate mu makasa.

Nsumuinu 10:21

Mishiku ya muntu muakane idi idisha ba bungi, kadi badi bahote badi bafua bua dihanga dia lungenyi.

Misambu 119:46

Nengambe kabidi mei ebe awakammanyisha ku mesu kua bakelenge, ne tshiena nkuatshika bundu.

Misambu 105:2

Numuimbile misambu, numuimbile misambu ya kumutumbisha nʼai, nuyikilangane bua malu andi onso a kukema.

Misambu 45:2

Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

Luke 4:22

Bantu bonso bakamuvidila, bakakema bualu bua mei a luse akaluhuka mukana muandi, bakakonka ne, Yeye ke muana wa Yosefe, anyi?

Misambu 119:13

Mishiku yanyi idi ilondela bantu kulumbulula kuonso kua mukana muebe.

Misambu 66:16

Luai bienu, nunvue, nuenu bonso badi banemeka Nzambi, nennuambile malu akuenzeleye muoyo wanyi.

1 Kulondolola 16:24

Nuambile ba munkatshi mua bantu ba bende butumbi buandi, numanyishe ba munkatshi mua bantu bonso malu a kukema akenzeye!

Dielulula 11:19

Numanyishe bana benu mei â, nubambileu hanuashikama mu nsubu yenu ne hanuenda mu nshila ne hanuaya ne hanuabika.

Lewitiki 2:13

Neutuishe milambu yonso ya bukula ne luehu, kanulekedi luehu lua tshihungidi tshia Nzambi mu milambu yenu ya bukula, tuishai milambu yonso ne luehu.

Yezekiyele 43:24

Hawalua ne munyinyi wabi ku mpala kua Yehowa, bakuidi belehu luehu ne bobo babifile bu mulambu wa kuoshela Yehowa.