Kolose 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ha mutu ha malu â onso nuluate dinanga, didi tshisuikidi tshia malu onso a buakane buonso.

MUKANDA WA MYIDI MUKULU

¹⁴ Ikalayi nangananga ne dinanga. Ke mukaba udi unusuikakaja bonsu pamue.

Kolose 3:14 Referans Kwoze

1 Petro 4:8

ku mutu kua malu onso nuikalangane ne dinanga dikole munkatshi muenu, bualu bua dinanga didi dibuikila malu mabi a bungi;

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Kolose 2:2

bua mitshima yabo isambibue, bobo basuikakasha ku luse tô ne ku bubanshi buonso bua kumanya kujalama kua dijingulula diabo, bua bobo bamanye bimpe bualu bua Nzambi buakadi busokoka, nKilisto mene.

Yowanane 13:34

Ndi nuelela mukenshi muhia-muhia ne, Nusuangane; nusuangane bu munakunusua.

Rome 13:8

Kanuikadi ne muntu dinga dibanza anu dia kunangangana; bua wananga mukuabo wakushikisha mikenshi.

Efeze 4:3

nunanukile mua kulama buobumue buenu bua mu Nyuma Muimpe mu tshisuikidi tshia ditalala.

1 Yone 4:21

Tudi tuangata mukenshi eu kudiye ne, Muntu udi unanga Nzambi anange muanʼabo kabidi.

2 Petro 1:7

ne ku buimpe bua Nzambi buenu nutentekashe dinangangana dia bana benu; ne ku dinangangana dienu dia bana benu nutentekashe luse.

1 Timote 1:5

Kadi tshidi mukenshi eu ukeba kuheta ndinanga dia mu mutshima mutoke ne dia mu muoyomukese muimpe ne dia mu ditabusha didi kadi ne lubombo.

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.

Yowanane 17:23

meme munda muabo, wewe munda muanyi bua bobo kuikala bamue bulelela; bua ba ha buloba bamanye ne, Wewe wakantuma; wewe udi mubasue bu mûdi munsue meme.

Yowanane 15:12

Eu udi mukenshi wanyi ne, Nusuangane bu munakunusua.

1 Yone 3:23

Eu mukenshi wandi bua tuetu tuitabushe dina dia Muana wandi Yesu Kilisto, ne bua tuetu tunangaʼngane, bu muakatuheye mukenshi.

Ebrewu 6:1

Nunku, tushîe diyisha dia malu a tshibangidilu a Kilisto ku nyima, tuyai tô ne ku buakane bua tshishiki; katuteki tshiakabidi bishimikidi bia kukudimuna kua mutshima ku midimu mifue, ne bia ditabusha dia kudi Nzambi,

Efeze 1:4

bu muakatusunguleye munda muandi diambedi yeye kai muanze kufuka buloba, bua tuetu tuikale bantu ba tshijila badi kabai mua kubandibua ku mesu kuandi mu luse.

1 Yone 3:10

Mu muanda eu bana ba Nzambi ne bana ba diabolo badi bajinguluka; muntu yonso udi kai wenza malu makane kena wa Nzambi; ne yeye udi kai unanga muanʼabo kabidi.