Kolose 2:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku, bu munuakitabusha Kilisto Yesu Mukelenge, nuikale nuende mu Kilisto;

MUKANDA WA MYIDI MUKULU

⁶ Nenku panudi bamane kuitaba Yezu Kristu bu Mfumu, nudisange nende.

Kolose 2:6 Referans Kwoze

Kolose 1:10

ne bua nuenu nuende mu bienzedi bidi biakanangane ne Mukelenge ku dimusankisha dionso, ne bua nuenu nukuame mamuma mu mudimu wonso muimpe, ne bua nuenu nudiundadiunde mu kumanya kuenu kua Nzambi;

1 Yone 2:6

yeye udi wamba ne, Ndi muikale munda muandi, budiye nʼabu mbua kuenda bu muakendeye mene.

1 Tesalonike 4:1

Nunku bana betu, tshiashadidi mpindiu, tudi tunulomba ne tudi tunusengelela mu Mukelenge Yesu ne, Bu munuakangata diyisha kutudi dinulesha bu munudi ne bua kuenda ne bua kusankisha Nzambi, mbu munudi nuenda kabidi,—bua nuenu mitambe kukumbanakumbana ma malu â.

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

2 Korente 5:7

(bualu bua tudi tuenda bua ditabusha, kembua bintu bidi bimueneka ku mesu);

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

Yuda 1:3

Bananga, hanakadi ndienzesha ne disuminyina dionso bua kunufundila bua luhandu luolumue lutudi nʼalu, bualu buakunkuata kunufundila bua kukolesha mitshima yenu, bua nuenu nutshinte bikole bua ditabusha diakahabo basanto musangu umue tshiendelele.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.

Filipe 1:27

Anu bualu ebu, bikadilu bienu bikale biakanangane ne lumu luimpe lua Kilisto; bua binalua kunumona anyi bingikala kukuabo, ngunvue bianyi lumu lua malu enu ne, Badi bajalama mu nyuma tunue, ne badi batshinta hohamue ne mutshima umue bua ditabusha dia lumu luimpe,

Ebrewu 3:14

Bua tuetu tuakulua babanyanganyi ne Kilisto, bitualamata ku tshibangidilu tshia dieyemena dietu tô ne kunshikidilu;

Efeze 4:1

Nunku meme, amena lukanu wa Mukelenge, ndi nusengelela ne, Enda! bakanangane ne dibikila diakanubikilabo nʼadi,

Mika 4:2

Ba mu bisamba bia bungi bia bantu nebalue, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; yeye neatuyishe bienzedi biandi, tuetu netuende mu nshila yandi; bualu bua diyisha nediluhuke mu Siona, ne dî dia Yehowa nedihatuke mu Yelushalema.

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Yowanane 13:20

Bulelela, bulelela, ndi nuambila ne, Witabusha unatuma neangitabushe meme; wangitabusha meme neitabushe wakuntuma.

Matayi 10:40

Wanuitabusha udi ungitabusha meme, wangitabusha meme udi witabusha wakuntuma.

Yeshaya 2:5

Bana ba Yakoba, luai bienu, tuende mu munya wa Yehowa.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

Ngalate 3:26

Bua buonso buetu tudi bana ba Nzambi bua ditabusha dia mu Kilisto Yesu.