Genese 8:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

MUKANDA WA MYIDI MUKULU

²¹ Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Genese 8:21 Referans Kwoze

2 Korente 2:15

Bualu bua tudi bu dihembu dimpe dia Kilisto mu Nzambi kudi bantu badi basungidibua ne kudi bantu badi bajimishibua;

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.

Rome 3:23

Bualu bua bonso bakenza malu mabi, ne badi bahanga kuheta butumbi kudi Nzambi.

Yezekiyele 20:41

Nennuitabushe bu tshintu tshidi tshintuila dihembu, hananuhatula munkatshi mua bantu ba bende, hananusangisha bua kunûmusha mu maloba akanutangadishabo; nendimueneshe Wa Tshijila munkatshi muenu ku mpala kua bisamba bionso.

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

Lewitiki 1:13

kadi neuvuwe bintu bia munda ne bioku ne mai, ne muakuidi neoshile bintu bionso ha tshioshelu bu mulambu wa kuosha ha kahia bu tshintu tshidi tshitua dihembu kudi Yehowa.

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

Lewitiki 1:9

kadi nebuvuwe bintu bia munda ne bioku ne mai; ne muakuidi neoshile bintu bionso ha tshioshelu, bu mulambu udibo bosha ha kahia bu tshintu tshidi tshi tua dihembu kudi Yehowa.

Genese 3:17

Wakambila Adama ne, Bualu bua wewe wakuteleja di dia mukashi webe, wakudia mamuma a mutshi unakukuambila ne, Kuadi nansha, buloba buakedibua mulau bualu buebe, wewe neudie bidia biabu ne kanyinganyinga matuku ebe onso,

Yowanane 3:6

Wakaledibua kudi mubidi udi mubidi; wakaledibua kudi Nyuma udi nyuma.

Yeshaya 53:6

Buonso buetu tuakubambuka bu mikoko, tuakukudimuka bua kuya muntu wandi nshila muntu wandi nshila; Yehowa wakuteka dihila dia bubi bua buonso buetu hamʼbidi handi.

Misambu 58:3

Bantu babi badi bahambuka mu diba didibo bahatuka munda mua bamamuʼabo, badi bahambuka mu nshila dituku dia kuledibua kuabo, bamba mei a mashimi.

Misambu 51:5

Mona, nakaledibua mu dihambuka, ne mu bubi mamu wanyi wakangimita munda muandi.

1 Yone 5:19

Tudi bamanye ne, Tuetu tudi ba Nzambi, ne ba ha buloba bonso badi balala mu bubi.

Rome 1:21

Bualu bua hakamanyabo Nzambi, kabakamutumbisha bu Nzambi, kabakamusakidila; kadi meshi akelabo akalua a hatuhu, ne mitshima yabo mijibale yakalua mîdima.

Yirmeya 18:12

Kadi badi bamba ne, Ebu mbualu bua hatuhu; bua netulonde anu malu atudi basue kulonda, netuenze bietu, muntu ne muntu, bu mudi tshitshu tshia mu mutshima wandi mubi.

Nsumuinu 20:9

Muntu kai udi mua kuamba ne, Nakuvuisha mutshima wanyi mutoke, ndi mulengeshibue ku bubi buanyi?

Yobe 14:4

Udi mua kuhatula tshintu tshia kane ku tshintu tshidi katshiyi tshiakane nganyi? Kakuena muntu.

Lewitiki 1:17

Yeye neamukuate ku mahuahua andi, neamuhande hankatshi, kadi kahanduludi bituha bibidi nansha, ne muakuidi neamuoshile ha tshioshelu, ha nkunyi idi mu kahia bu mulambu wa kuosha ha kahia bu tshintu tshidi tshitua dihembu kudi Yehowa.

Ekesode 29:25

Wewe newangate bintu ebi ku bianza biabo, ubioshile ha tshioshelu bu mulambu udi utua dihembu dimpe ku mesu kua Yehowa, udi mulambu udibo boshila Yehowa ha kahia.

Ekesode 29:18

Wewe newoshe tshimpanga tshijima ha tshioshelu, tshidi mulambu wa kuoshila Yehowa, udi utua dihembu, udibo boshila Yehowa ha kahia.

Genese 6:17

Tangila, meme nkayanyi, nendokeshe mai mangi ha buloba bua kujimisha bintu bionso bidi ne muhuya wa muoyo munda muabi muinshi mua diulu, tshintu tshionso tshidi ne muoyo ha buloba netshifue.

Yirmeya 8:6

Nakuteleja matshu ne nakunua, kadi kabakamba mei makane; kakuena umue udi unyingalala bua bubi buandi, wamba ne, Nakuenza tshinyi? Muntu yonso udi wenda mu nshila udiye mudisunguile, bu mudi kabalu kaya ku nvita kinyika mutu hanshi.

Yeshaya 65:6

Yehowa udi wamba ne, Tangila, dî edi didi difundibue ku mpala kuanyi ne, Tshiena mpuwa talalâ, kadi nembahingishile difutu; bulelela, nembahingishile difutu mu biadi biabo,

Yeshaya 48:8

Bushuwa, wewe kuena munvue, kuena mumanye malu â, ne tô ne ku mpindiu matshu ebe kakanza kujikuka. Bualu bua nakamanya ne wewe udi utamba kuikala muena bunsonge, ne wakamanyibua bu muntombokedi katshia bakulela.

Yeshaya 47:15

Ebu mbualu budi bukuata bintu biakukutonda; bawakuenduluka nʼabo mushinga ku buana buebe badi balenduka muntu ne muntu mu nshila wandi; kakuena kuikala umue wabo wa kukusungila.

Yeshaya 47:12

Shala mueyemene kulowa kuebe, ne bungi bua malu ebe a buloshi, biwakuditondesha nʼabi katshia bakuela; bumue neumanye mua kudikuatshisha, ne bumue neumanye mua kukuatshisha bakuabo buowa.

Lewitiki 26:31

Meme nembutule misoko yenu, ne bitendelelu bienu nebikale hatuhu, bintu bienu kabiena bi tua dihembu kundi.

Genese 5:29

wakamuidika dina ne, Noa, wakamba ne, Yeye neatusambe mu mudimu wa bianza bietu, bualu bua buloba buakedibua mulau kudi Yehowa.

Genese 4:12

hawadima buloba, kabuena bukumeneshila bintu bimpe, wewe newikale munyemi ne muena tshiendenda ha buloba.

Genese 6:7

Yehowa wakamba ne, Nenjimishe bantu banakafuka ha buloba, ne bantu ne nyama ne bintu bidi bidikoka hanshi ne nyunyu ya mulu, bualu bua mutshima wanyi udi munyingalale bua nakabifuka.

Genese 6:13

Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

Lewitiki 4:31

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu tshintu tshidi tshitue dihembu kudi Yehowa, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 8:28

Mose wakangata bintu mu bianza biabo, wakabisha ha tshioshelu tshia mulambu wa kahia, ebi mbintu bia kujidila nʼabi bakuidi bu tshintu tshidi tshitua dihembu kudi Yehowa eu udi mulambu wa kuoshila Yehowa ha kahia.

Dibadika 15:3

ne hanuafila mulambu wa kuosha ha kahia kudi Yehowa bua kushikisha kuditshiha, anyi mulambu udi mitshima yenu misue kufila, anyi mu matuku anudi nudia bidia bia disanka, bualu bua kumusha dihembu kudi Yehowa, nansha mulambu wa ngombe nansha wa mikoko,

1 Samuele 26:19

Katataka ndî nkusengelela ne, Mukelenge wanyi unvue mei a muntu wandi. Bikala Yehowa nguakakusonsolola bualu buanyi, yeye itabushe mulambu; kadi bikala bantu mbakenza nunku, bobo bedibue mulau kudi Yehowa, bualu bua bobo bakungihata lelu bua meme tshikadi mu buhianyi bua Yehowa, badi bangambila ne, Ya, ukuatshile nzambi mikuabo mudimu.

Misambu 58:4

Lulengu luabo ludi bu lulengu lua nyoka, ludi bu lulengu lua nyoka wa dikala udi ne bitshi udi ujibika matshu andi,