Genese 50:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Tatu wanyi wakuntshihisha ne, Hanafua unjike mu muaba unakasumba mu buloba bua Kanâna. Nunku witabushe bua meme kuya bua kujika tatu wanyi, nempingane kûdi kabidi.

MUKANDA WA MYIDI MUKULU

⁵ “Tatu wanyi kayi muanji kukula muoyi, uvua munshila diyi bua meme kuditshipa bua kumujika amu mu ditunga dia Kenaane mu lukita luvuaye mumane kudilongolola.” Nanku ndi ndomba bua kuya kumujika. Pashishe nempingane.

Genese 50:5 Referans Kwoze

Yeshaya 22:16

Udi wenza tshinyi kunoko, ne udi ne muntu kai kunoko, bua wewe wakudiumbuila majambu? Wakudiumbuila majambu ha mukuna, wakadisongela muaba mu dibue bua yeye kulalamu!

2 Kulondolola 16:14

Bakamujika mu lukita luakadiumbuileye mu musoko wa Davidi; bakamuladika ha bulalu buakadi ne bintu bia bungi bia muhuya muimpe biakalongololabo kudi bantu ba lungenyi lule; bakamuelela bintu bia bungi mu madilu andi.

Matayi 27:60

wakatshiladika mu lukita luandi luhia-luhia, luakadiye mumane kumbula mu dibue; wakabungulusha dibue dinene, wakaditeka ku mushiku wa mbelu wa lukita, wakaya biandi.

Muambi 12:7

nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

Muambi 12:5

bakulumpe nebatshine mikuna; buowa nebubakuate mu nshila; ne mutshi wa amande newele bilongo; ne mpasu mene neamunemene bujitu; dijinga nedimutalale ku muoyo; bualu bua muntu uyaya ku muaba wandi wa tshiendelele; bena madilu badi bendakana mu misesu;

Muambi 6:3

Bialela muntu bana lukama ne biashaleye ne muoyo bidimu bia bungi, kadi bikala mutshima wandi kauyi mukulu ne malu mimpe, anyi bantu kabayi bamujike bimpe, ndi ngamba ne, Muana wa kabishi udi mumuhite ku dikasa dimpe;

Misambu 79:3

Biakamatabisha mashi abo bu mai mu miaba idi minyunguluke Yelushalema, kakuakadi wa kubajika.

Yobe 30:23

Bua ndi mumanye ne, Wewe neunfikishe ku lufu, ne ku nsubu wakusunguila Nzambi bonso badi ne muoyo.

1 Samuele 14:43

Hashishe Shaula wakambila Yonatana ne, Ungambile tshiwakuenza. Yonatana wakamukudimuna dî ne, Bulelela, nakalabula buitshi bukese buakadi ku lusongo lua mulangala wakadi mu tshianza tshianyi; mona, bundi nʼabu mbua kufua.

Dielulula 4:22

kadi bûdi nʼabu mbua kufuila mu buloba ebu, kuena mua kusabuka Yadene; kadi nuenu nenusabuke, nenuhiane buloba abu buimpe.

Genese 50:24

Yosefe wakambila bana babo ne, Nfuafua, kadi Nzambi neikale nʼenu, neanumushe mu buloba ebu, neanuhingashe ku buloba buakalayeye Abalahama ne Isaka ne Yakoba

Genese 48:21

Isalele wakambila Yosefe ne, Nfuafua, kadi Nzambi neikale nʼenu neanuhingashe mu buloba bua batatuʼetu.

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Genese 50:4

Hakashika matuku a madilu, Yosefe wakambila ba mu nsubu wa Palo ne, Bingikala ne luse ku mesu kuenu, ndi nnusengelela ne, Nuambile Palô ku matshu andi ne,

Genese 50:6

Palô wakamba ne, Ya, ujike tatu webe, bu muakukutshihisheye.