Genese 49:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bilembi bia m ta biakumunyingalasha bikole, biakumuela mikete, biakumutatshisha,

MUKANDA WA MYIDI MUKULU

²³ Baluishi badi bamukengesha bikole, bamuela miketa, bamutatshisha.

Genese 49:23 Referans Kwoze

Genese 37:24

bakamukuata, bakamuela mu mukela, mukela wakadi mûme, kamuakadi mai.

Misambu 64:3

Badi basakisha ndimi yabo bua kuikalabu bu miele ya nvita, badi baludikila mei a bululu bu mikete,

Genese 37:28

Bena Midiyana, bendi ba mushinga bakahita, ba kahatula Yosefe mu mukela, bakamuhanyisha Bena Yishemaele ku bituha bia argent makumi abidi. Bakaya ne Yosefe mu Ejipitu.

Bienzedi 14:22

benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

Misambu 118:13

Wewe, muena lukuna, wakanunkila bua meme kuhona hanshi, kadi Yehowa wakankuatshisha.

Genese 42:21

Bakambilangana ne, Tuetu tuakudihisha bulelela mu bualu bubi butuakenzela muanʼetu hatuakatangila kanyinganyinga ka mutshima wandi hakadiye utusengelela, kadi tuetu katuakamunvuila, bua bualu ebu dikenga diakatukuata.

Genese 37:18

Bobo bakamumona kule kuakua, ne diambedi yeye kayi muanze kufika ha buihi nʼabo, bakamuelela tshifufu bua kumushiha.

Genese 37:4

Bana babo bakamona ne dinanga dia tatu wabo kudiye diakatamba dia kudi buonso buabo, bobo bakadi nʼandi lukuna, kabakamanya mua kuyikila nʼandi talala.

Genese 49:22

Yosefe udi bu ditamba dia mutshi diakakuama mamuma a bungi, udi bu mutshi hehi ne mushimi wa mai, matamba andi adi asambuka ha mutu ha lumbu.

Genese 49:24

kadi buta buandi buakuikala bukole, maboko andi ne bianza biandi biakakoleshibua kudi bianza bia Nzambi wa Bukole wa Yakoba. (Mulami wa mikoko wakafumaku, ku dibue dia Isalele).