Genese 47:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bintu bia kudia kabiakadi mu buloba, bualu bua tshiole tshiakatamba bukole, nunku bantu bonso ba mu Ejipitu ne ba mu buloba bua Kanana bakamba kufua ne nzala.

MUKANDA WA MYIDI MUKULU

¹³ Mu ditunga dia Ejipitu ne dia Kenaane muvua tshiyole tshikole. Biakudia kabiyi bimueneka, bantu bonsu bavua bakeba kufua nzala.

Genese 47:13 Referans Kwoze

Bienzedi 7:11

Tshiole tshiakalua mu buloba buonso bua Ejipitu ne bua Kanâna, ne dikenga dikole; bankambua betu kabakamona bia kudia.

Muadi 4:9

Diakalengele dia badi bashihibue ku muele wa nvita didi dihita dia badi bashihibue ne nzala buakane; bua badi baleuka, bateketa-teketê, bualu bua kabena ne bintu bia mu madimi.

Yirmeya 9:12

Muena meji udi nganyi, bua yeye amanye mua kujingulula bualu ebu? Mukana mua Yehowa muakuambila muntu kai bualu ebu bua yeye amanye mua kumanyisha bakuabo? Buloba budi bubutudibua, budi buoshibua bu tshihela, bua kakuyi muntu uhitshilamu bua tshinyi?

1 Bakalenga 18:5

Ahaba wakambila Obadaya ne, Hitshila mu buloba buonso ku mishimi ya mai yonso ne ku tusulu tuonso, bumue neuheteku mashinde a kudisha nʼau tubalu ne nyama ya mpunda katujimishi nyama yetu yonso nansha.

Genese 41:36

Bintu ebi nebikale bilamibue mu diyeba bua bidimu muanda mutekete bia tshiole tshilualua mu buloba bua Ejipitu, bua bena buloba kabafu ne tshiole.