Genese 45:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bakamuambila mei onso akabambila Yosefe ne hakatangileye makalu akamutumina Yosefe, mutshima wa Yakoba tatuʼabo wakasangala.

MUKANDA WA MYIDI MUKULU

²⁷ Bana bende kumulondela kabidi bionsu bivua Yozefe mubambile. Yakobe umona matempu avua muanende Yozefe mumutumine, kutukijaye muoyi wa munda.

Genese 45:27 Referans Kwoze

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Genese 45:19

Nakumana kunuambila dî dianyi, enzai nunku, nuangate makalu a tubalu tua mu buloba buetu bua kutuadilamu bana benu bakese ne bakashi benu, nuangate tatu wenu, nuhingane.

Osheya 6:2

Hahita matuku abidi, yeye neahingashe; halua dituku disatu, yeye neatubishe bua tuetu tuikale ne muoyo ku mpala kuandi.

Misambu 85:6

Kuena utusangasha kabidi, bua bantu bebe basanke bualu buebe, anyi?

1 Samuele 30:12

bakamuha tshisumbu tshia nfigi ne bisumbu bia tumuma tukese tume bibidi: hakadieye bintu ebi, muoyo wandi wakahingana kudiye, bualu bua kakadia tshintu, kakanua mai tô minya isatu ne matuku asatu.

Balombodi 15:19

Kadi Nzambi wakahanda dina diakadi mu dibue dia Lehi ne mai akahatuka; hakanueye mai, muoyo wandi wakahingana ne yeye wakasangala; nunku wakidika muaba au ne, Enehakole, udi mu Lehi tô ne lelu.

Genese 45:28

Isalele wakamba ne Bualu budi bulelela Yosefe muan anyi utshidi ne muoyo nenye kumumona diambedi tshiyi muanze kufua.

Nsumuinu 25:25

Bu mudi mai ma tulala kudi muntu muhungile bua nyota, mbu mudi lumu luimpe ludi lufuma ku buloba bua kule.