Genese 43:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Yosefe wakumuka lubilu, bualu bua mutshima wandi wakajinga bua muakunyiʼandi, wakakeba muaba wa kudidileye, wakabuela mu nsubu wandi wa bulalu, wakadidilamu.

MUKANDA WA MYIDI MUKULU

³⁰ Yozefe kubuela lukasa mu nzubu wa kulala udila. Bualu uvua ne tshintekateka bua muakunyende uvuaye mumone.

Genese 43:30 Referans Kwoze

Genese 42:24

Yeye wakabakoma nyima, wakadia, ne yeye wakatshinguluka kudibo, wakayikila nʼabo, wakakuata Shimeona, wakamusuika ku mesu kuabo.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Filipe 2:1

Nunku bikalaku ditendekena dia mu Kilisto, bikalaku disengelela dia mu dinanga, bikalaku buobumue bua Nyuma, bikalaku mitshima ya luse ne malu a dinanga,

Filipe 1:8

Nzambi udi mumanyi wanyi bu mundi nujinga ne dinanga didi munda mua Kilisto Yesu.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

1 Bakalenga 3:26

Hashishe mukashi, muledi wa muana wakatshidi ne muoyo, bualu bua mutshima wandi wakadi wela majie a muana wandi, wakambila mukelenge ne, Mukelenge wanyi, umuhe yeye muana udi ne muoyo, kabamushihi nansha. Kadi mukuabo wakabenga ne, Nansha, muana kikadi nansha webe nansha wanyi, bamukose anu bituha.

Genese 45:2

Yeye wakadia bikole, Bena Ejipitu ne bantu ba mu nsubu wa Palô bakunvua muadi wandi.

1 Yone 3:17

Kadi bikala muntu ne bintu bia ha buloba, ne yeye udi utangila muanʼabo ubikengela, ne yeye udi ukanda luse luandi kudiye, munyi mudi mua kuikala dinanga dia Nzambi munda muandi?

2 Timote 1:4

njinga kukutangila, nvuluka binsonshi biebe, bua meme kûshibua ne disanka.

Kolose 3:12

Nunku, bu munudi bantu basungula kudi Nzambi, ba tshijila ne bananga, luatai mutshima wa luse, ne wa dikuatshisha, ne wa kudihuekesha, ne wa kalolo, ne wa lutulu.

Bienzedi 20:37

Buonso buabo bakadila bikole, bakela Paulo bituha ku nshingu, bakamutua mishiku,

Bienzedi 20:31

Nunku dimukai, neuluke bu munakadi tshi mulekele tô bidimu bisatu bua kunudimusha muntu ne muntu butuku ne munya ne binsonshi ku mesu.

Bienzedi 20:19

nakadi nkuatshila Mukelenge mudimu wandi ne buhuekele buonso ne binsonshi ku mesu ne makenga akalua kundi bualu bua bifufu bia Bena Yuda.

Genese 46:29

Yosefe wakalongolola dikalu diandi wakaya kusangakena ne Isalele, tatuʼandi, mu Goshene Wakafika kudiye, wakamuela tshituha ku nshingu, wakadila to musangu mule.