Genese 43:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi wa Bukole Buonso anufue luse ku mesu kua mulume au, bua yeye ahingashe muanʼenu mukuabo ne Benyamina kabidi mu bianza bienu Bianjimishilabo bana banyi, nembajimishe

MUKANDA WA MYIDI MUKULU

¹⁴ Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Genese 43:14 Referans Kwoze

Estere 4:16

Ya biebe, usangishe Bena Yuda bonso badi mu Shushana, bajile bia kudia bualu buanyi matuku asatu; kabadi tshintu, kabanu tshintu tô matuku â asatu butuku ne munya; meme ne bena mudimu banyi bakashi netujile bia kudia diatshimue; hashishe nenye kudi mukelenge bu mudi kamuyi mu mikenji; binafua, nenfue.

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Bienzedi 21:14

Hakahidieye kuitabusha, tuakalekela, tuakamba ne, Bualu budi Mukelenge musue buenjibue.

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Nsumuinu 16:7

Bikala bienzedi bia muntu bisankishe Yehowa, yeye udi umulengeshisha ne bena lukuna bandi.

Misambu 119:41

Yehowa, luse luebe lujalame lufike kundi, nduhandu luebe mene, bu mudi mulayi webe.

Misambu 100:5

Bualu bua Yehowa udi muimpe; luse luandi lujalame ludiku tshiendelele, lulamatu luandi lua bushuwa ludiku tô ne ku bikondo bionso.

Genese 22:14

Abalahama Wakabikila dina dia muaba au ne, Yehowa-yile; nunku badi bamba tô ne ku dituku edi ne, Mu mukuna wa Yehowa nebatuhe bintu.

2 Yone 1:3

Ngasa, luse, ne ditalala bia kudi Nzambi Tatu ne kudi Yesu Kilisto, Muana wa Tatu, nebikale nʼetu mu bushua ne mu dinanga.

Tite 1:4

Mukanda eu udi mufundila Tito, muana wanyi wa bushua mu ditabusha dimue dia bonso. Ngasa ne ditalala bia kudi Nzambi Tatu ne bia kudi Kilisto Yesu, Musungidi wetu, bikale nʼebe.

1 Timote 1:16

Kadi bua bualu ebu nakafuidibua luse, bua munda muanyi bu muntu mubi muhite bakuabo, Yesu Kilisto amueneshe lutulu luandi luonso, bu tshileshilu kudi bantu balua kumuitabusha tô ne ku muoyo wa tshiendelele.

1 Timote 1:2

kudi Timote, muanʼanyi wa bushua mu ditabusha: Ngasa, luse, ditalala bia kudi Nzambi Tatu ne kudi Kilisto Yesu Mukelenge wetu.

Bienzedi 7:10

wakamusungila mu makenga andi onso, wakamuha diakalengele ne lungenyi ku mesu kua Palô, mukelenge wa Ejipitu; wakamuteka ngovena wa Ejipitu ne wa nsubu wandi yonso.

Luke 1:50

Luse luandi ludi ku milongo ne ku milongo Ya bantu badi bamutshina.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Nsumuinu 1:1

Nsumuinu ya Solomo, muana wa Davidi, mukelenge wa Isalele:

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

Genese 42:36

Yakoba, tatu wabo, wakabambila ne, Nuenu nuakunjimishila bana banyi Yosefe kenaku, ne Shimeona kenaku, ne nudi nuamba kuya ne Benyamina, malu au onso adi mantonde.

Genese 42:24

Yeye wakabakoma nyima, wakadia, ne yeye wakatshinguluka kudibo, wakayikila nʼabo, wakakuata Shimeona, wakamusuika ku mesu kuabo.

Genese 39:21

Kadi Yehowa wakadi ne Yosefe, waka mulesha luse, wakamuendesha diakelengele kudi mulami wa nsubu wa lukanu.

Genese 35:11

Nzambi wakamuambila kabidi ne, Ndi Nzambi wa Bukole Buonso, uvulangane ukumbane ba bungi, bisamba bia bungi nebifume kudi, bakelenge nebaluhuke munda muebe

Genese 28:3

Nzambi wa Bukole Buonso akusankishe akukumbashe, akuvuishe bana ba bungi bua wewe ulue tshisumbu tshinene tshia bantu,

Misambu 85:7

Utuleshe luse luebe lujalame, Yehowa, Utuhe luhandu luebe.

Yowanane 19:22

Pilato wakabambila ne, Nakuenda munakufunda.

Genese 43:13

nuangate muakunyiʼenu kabidi, bikai bienu, nuye kudi mulume au.

Misambu 106:46

Yeye wakabayuisha bantu ba kufuidibua luse kudi bonso bakadi babakuata mu buhika.

Genese 44:12

Bakabangila kukeba ku muanʼa bute to ne ku muanʼa mukala, bakasangana luhanza mu tshibombi tshia Benyamina.