Genese 42:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Binuamba mei malelela, nuitabushe bua: umue wenu ashale musuikibue mu nsubi wa lukanu, kadi bakuabo benu baye kuenu ne bia kudia bualu bua tshiole tshidi mu nsubu yenu.

MUKANDA WA MYIDI MUKULU

¹⁹ Panuikala bantu ba nsongu, nuanyishe bua muntu umue wa kunudi ashale mu lukanu emu. Kadi bakuabu bonsu baye ne ntete ya kuenza bukula ku Kenaane, bua kuyipesha bena meku enu badi bafua nzala.

Genese 42:19 Referans Kwoze

Yirmeya 37:15

Baminyampala aba bakadi ne Yelemiya tshiji, bakâmukuma, bakamubuesha mu nsubu wa lukanu wakadi mu nsubu wa Yonatana secrétaire; bualu bua bakasungula nsubu au bu nsubu wa lukanu.

Yeshaya 42:22

Kadi aba mbantu badibo banyenga bintu biabo ne babahaula, buonso buabo badi bakuatshibue mu majimba, badi basokokibue mu nsubu ya lukanu; bakulua bu bintu bidi bakuabo banyenga ku bukole, kakuyi muntu wa kubahandisha; badi bu bintu bia kuhaudibua, kakuena muntu udi wamba ne, Ubahingashe kutudi.

Yeshaya 42:7

bua kutabasha mesu a bafofo, bua kuhatula bena lukanu mu tshina tshia lukanu, ne bua kumusha badi bashikame mu midima mu nsubu wa lukanu.

Genese 45:23

Wakatumma tatu wandi bintu nunku, nyama ya mpunda dikumi yakadi ne bujitu bua bintu bimpe bia mu buloba bua Ejipitu ha nyima hai ne nyama ya mpunda mikashi dikumi yakadi ne bujitu bua bintu bia kudia ne bintu bia kukuatshisha nʼabi tatuʼandi mu nshila.

Genese 42:26

Bakateka bintu bia kudia ha nyima ha mpunda yabo bakaya.

Genese 41:56

Tshiole tshiakadi ku nseke yonso ya buloba, ne Yosefe wakunzulula bibi bia mayeba onso, wakamanyisha Bena Ejipitu, tshiole tshiakatamba bukole mu buloba bua Ejipitu.

Genese 40:3

Yeye wakatubuesha mu lukanu, mu nsubu wa kapitene ka masalayi malami, mu muaba muakadi Yosefe musuikila.

Genese 42:11

Buonso buetu tudi bana ba muntu umue, tudi bambe mei a bushuwa, katuena batentekedi.

Genese 42:18

Hakahita matuku asatu, Yosefe wakabambila ne, Enzai nunku nushale ne muoyo, bualu bua meme ndi ntshina Nzambi.

Genese 42:20

Nu hingane ne muanʼenu, muanʼa mukala kundi, nunku mei enu neajalame, kanuena nufue. Bobo bakitabusha.

Genese 42:33

Muntu au, mukelenge wa buloba, wakabambila ne, Ku bualu ebu nemmanye ne, Nudi nuamba mei malelela, nushiye umue wenu kundi, bakuabo benu bangate bia kudia bia kumana nʼabi tshiole tshidi mu nsubu yenu, yai bienu.