Genese 37:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yuda wakambila bana babo ne, Hatuashiha muanʼetu, ne hatuasokoka mashi andi, netushale ne tshintu kai?

MUKANDA WA MYIDI MUKULU

²⁶ Yuda kukonka bana babu ne: — Tuetu bashipe muanetu ewu, basokoke bualu ebu, netupete tshinyi?

Genese 37:26 Referans Kwoze

Genese 37:20

Tuye kumushiha, tumuele mu mukela mukuabo, netuambe ne, Nyama mubi wakamudia, netumone tshiavuisha bilota biandi.

Genese 4:10

Yeye wakamukonka ne, Wewe wakuenza tshinyi? Muadi wa mashi a muakunyʼebe udi wela di kundi difume ha buloba.

Rome 6:21

Nunku mu tshikondo atshi nuakadi ne mamuma kai mu malu adi anufuisha bundu katataka? Bua kunshikidilu kua malu au ndufu.

Matayi 16:26

Biasumba muntu buloba buonso ku muoyo wandi, mushinga wandi muimpe udi hanyi? Anyi, muntu udi ne tshintu kai tshia kushintakasheye bua kuangateye muoyo wandi kabidi?

Yezekiyele 24:7

Bualu bua udi ne mashi munda muau; wakela ha dibue didi hatuhu, ne kakâhongoluela hanshi ha buloba bua luhuishi luabuikile.

Yirmeya 41:8

Kadi bantu dikumi bakadi munkatshi muabo bakambila Yishemaele ne, Kutushihi, bualu bua tuetu tudi ne bintu bisokoka mu madimi etu: blé, erge, manyi ne buitshi. Nunku yeye wakabalekela hatuhu, kakabashiha hohamue ne bana babo.

Misambu 30:9

Kumatshisha kua mashi anyi kudi mua kukukuatshisha munyi, binahueka mu Dijimba dia Bafue? Luhuishi nenkutumbishe, anyi? Neluambile bantu hua lulamatu luebe ku bushuwa, anyi?

Yobe 16:18

Wewe buloba, kubuikidi mashi anyi, muadi wanyi kausanganyi muaba wa kuhuwilau talalâ!

2 Samuele 1:16

Davidi wakamuambila ne, Mashi ebe ikale ha mutu hebe bualu bua mukana muebe muakukuhisha, muamba ne, Nakashiha muntu wakela Yehowa manyi ha mutu.

Dielulula 17:8

Bikala tshilumbu tshinuhite bukole, nansha hankatshi ha bashihianganyi, nansha hankatshi ha muntu ne muntu badi badiakuilangana, nansha hankatshi ha muntu ne muntu badi batutangana, mmalu adibo batandangana nʼau mu misoko yenu; hashishe nenubike, nenuye ku muaba udi Yehowa, Nzambi wenu, usungula;

Genese 25:32

Esau wakamba ne, Abu akadi ha kufua, ne bintu bia buanʼa bute nebinsankishe kudi kunyi?

Genese 40:15

Bulelela, bakungiba mu buloba bua Bena Ebelu, ne kunoko kabidi tshiakuenza bualu bubi bua kungelelabo mu nsubu wa mîdima.

Genese 42:21

Bakambilangana ne, Tuetu tuakudihisha bulelela mu bualu bubi butuakenzela muanʼetu hatuakatangila kanyinganyinga ka mutshima wandi hakadiye utusengelela, kadi tuetu katuakamunvuila, bua bualu ebu dikenga diakatukuata.

Genese 50:20

Bua bualu buenu nuenu nuakasua kungenzela bibi, kadi Nzambi wakasua kuenza bimpe, wakakudimuna malu bua kusungileye bantu bu muakuenzeleye lelu.

Yirmeya 36:25

Bualu bukuabo, Elenatana ne Delaya ne Gemaleya hakamana kusengelela mukelenge ne, Kuoshi mukanda nansha; kadi yeye kakabunvuila.

Genese 4:9

Yehowa wakakonka Kana ne, Muakunyʼebe Ebele udi kudi kunyi? Yeye wakamba ne, Tshiena mumanye, ndi mulami wa muakunyʼanyi, anyi?