Genese 37:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mulumiana wakamusangana ne, mona, wakadi wendakana mu tshisuku, wakamuebesha ne, Udi ukeba tshinyi?

MUKANDA WA MYIDI MUKULU

¹⁵ Yozefe ufika mu mpata, kupambukaye mu njila. Muntu kampande kumukonka ne: — Udi ukeba tshinyi?

Genese 37:15 Referans Kwoze

Balombodi 4:22

Monai, hakadi Balaka ulonda ku nyima kua Sisela, Yaele wakaluhuka bua kusangakena nʼandi, wakamuambila ne, Lua biebe, nenkuleshe muntu ûdi ukeba. Yeye wakaya kudiye, wakatangila Sisela mulale hanshi mufue ne mutshi wa mulondo wa ntenta ha mpuhu yandi.

Yowanane 20:15

Yesu wakamukonka ne, Mukashi, udi udidila tshinyi? Udi ukeba nganyi? Wakela meshi ne, Muena mudimu wa mu muaba au, wakamuambila ne, Mukelenge, biwikala mumumushe kunoko, ungambile kuwakumuladika, nemuangate.

Yowanane 18:7

Yeye wakabakonka tshiakabidi ne, Nudi nukeba nganyi? Bakamba ne, Yesu wa ku Nazaleta.

Yowanane 18:4

Nunku Yesu wakamanya matu onso akadi alua kudiye, wakaya kudibo, wakabakonka ne, Nudi nukeba nganyi?

Yowanane 4:27

Bayidi bandi bakalua ha diba adi mene; bakakema bualu bua yeye wakadi wakula ne mukashi; kadi muntu kakamufuka ne, Udi ukeba tshinyi? Udi wakuila nʼandi tshinyi?

Yowanane 1:38

Yesu wakatshinguluka, wakabamona bamulonda, wakabakonka ne, Nudi nukeba tshinyi? Bakamuebesha ne, Labi (kukudimuna kua muaku ne, Muyishi), wewe udi wikala kudi kunyi?

2 Bakalenga 6:19

Elisha wakabambila ne, Eu kanshila nansha, kammusoko nansha; nundonde, meme nennufile kudi muntu unudi nukeba. Yeye wakabalombola ku Samalea.

Genese 21:14

Abalahama wakabika ne dinda dionso, wakangata bidia ne mulondo wa mai, wakabika kudi Haga, wakabiteka ha diaha diandi, wakamuha muana, wakabatuma ha bule, wakaya biandi, wakendakana mu tshihela tshia Bê-sheba.

Genese 37:14

Yeye wakamuambila ne Ya biebe, umone ne bana benu badi bakole ne bimuna bidi bimpe, anyi, walukila ungambile. Wakamutuma ku tshibanda tshia Hebelone, ne yeye wakalua ku Shekeme

Genese 37:16

Yeye wakamuitaba ne Ndi nkeba bana betu, ndi nkusengelela ne, undeshe kudibo badisha mikoko.