Genese 37:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakamuambila ne Ya biebe, umone ne bana benu badi bakole ne bimuna bidi bimpe, anyi, walukila ungambile. Wakamutuma ku tshibanda tshia Hebelone, ne yeye wakalua ku Shekeme

MUKANDA WA MYIDI MUKULU

¹⁴ Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

Genese 37:14 Referans Kwoze

Genese 35:27

Yakoba wakalua kudi Isaka tatu andi mu Mamale, musoko wa Kiyata-aba (eu udi Hebelona) Wakadi Abalahama ne Isaka bashikame.

Luke 19:42

wakamba ne, Bu wewe mumanye mu dituku edi malu adi akuhesha ditalala! Kadi bakukusokokau ku mesu kuebe.

Misambu 125:5

Kadi badi basesuka bua kuya mu nshila mikonyangale, Yehowa neahumushe diatshimue ne benji ba maluʼmabi. Ditalala dikale kudi Bena Isalele!

Yirmeya 29:7

Nukebe kuvuishila musoko unakanutuma mu buhika ditalala, nûlombele diakalengele kudi Yehowa; bua bikalau ne ditalala, nuenu nenuikale ne ditalala.

1 Bakalenga 2:33

Nunku mashi abo ikale ha mutu ha Yoaba ne ha mitu ha bana bandi tshiendelele; kadi ditalala didi difuma kudi Yehowa dikale kudi Davidi ne kudi bana bandi ne ku nsubu wandi ne ku nkuasa wandi wa bukelenge tshiendelele.

2 Samuele 18:32

Mukelenge wakebesha Muena Kushi ne, Nsongalume Abashaloma udi talalâ, anyi? Muena Kushi wakamukudimuna ne, Bena lukuna ba mukelenge wanyi ne bonso bakabika bua kukuenzela bibi bikale bu nsongalume au.

Yoshua 14:13

Yoshua wakamuvudishila disanka; yeye wakaha Kaleba, muana wa Yefune, Hebelone bu buhianyi.

Dibadika 13:22

Bakayila ku luseke lua sude, bakafua ku Hebelone, ne Ahimana ne Sheshai ne Talemai, bana ba Anaka bakadimu. (Bakasa Hebelone bidimu muanda mutekete ku mpala kua Soana mu Ejipitu.)

Genese 41:16

Yosefe wakambila Palô ne, Kammeme to, kadi Nzambi neahe Palô kujingulula kudi ne ditalala.

Genese 29:6

Yeye wakabebesha ne, Yeye udi ne bukole, anyi? Bobo bakamuitaba ne, E, yeye udi ne bukole, ne tangila, muanʼandi wa bakashi, Lakele, ulualua ne mikoko.

Genese 23:2

Sala wakafua mu Kiyata-aba (eu udi Hebelone) mu buloba bua Kanana, Abalahama wakaya bua kuaula muadi wa Sala ne bua kumujinga.

Genese 13:18

Abalama wakatula ntenta yandi, wakamuangala, wakaya kushikama hehi ne nu tshi ya telebinta ya Mamale idi mu Hebelone, wakenzelaku Yehowa tshioshelu.

Yoshua 14:15

Dina dia Hebelone diambedi diakadi Kîyata-âba; muntu eu Aba wakatamba balume bonso ba munkatshi mua Bena Anaka. Buloba buakashala talalâ, kakuyi nvita.

Genese 23:19

Ku nyima kua malu au Abalahama wakajika Sala, mukashi wandi, mu lubuebue biakadi mu budimi bua Makepela ku mpala kua Mamale (eu udi Hebelone) mu buloba bua Kanâna.

Genese 37:15

Mulumiana wakamusangana ne, mona, wakadi wendakana mu tshisuku, wakamuebesha ne, Udi ukeba tshinyi?

Yoshua 14:14

Nunku Hebelone wakalua buhianyi bua Kaleba, muana wa Yefune, Muena Kenizi, tô ne ku dituku edi; bualu bua yeye wakalonda Yehowa, Nzambi wa Isalele mene mene.

Balombodi 1:10

Bena Yuda bakaya kuluangana ne Bena Kanâna bakadi bashikama mu Hebelone (dina dia Hebelone diambedi diakadi Kîyata-âba); bakashiha Sheshai ne Ahimana ne Talemai.

2 Samuele 11:7

Hakafika Uliya kudiye, Davidi wakamukonka bualu bua Yoaba ne bua bantu ne bua nvita.

Genese 43:27

Yeye wakabakonka bua malu abo ne, Tatu wenu, muntu au mununu unuakungambila, udi mukole, anyi? Utshidi ne muoyo, anyi?

1 Samuele 17:22

Davidi wakashiya bintu biandi mu bianza bia mulami wa makalu, wakaya lubilu kudi bena nvita, wakela bana babo muoyo.

Estere 2:11

Môdekai wakendenda ku luhangu lua bakashi ku dituku ku dituku bua kunvueye lumu lua Esetê ne malu akamukuata.