Genese 36:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Esau wakashikama mu mukuna wa Sei Esau udi Edome.

MUKANDA WA MYIDI MUKULU

⁸ Ke muvua Esawu, udibu babikila kabidi ne: Edome, muye kuasa ku mukuna wa Seyire.

Genese 36:8 Referans Kwoze

Genese 32:3

Yakoba wakatuma miloho ku mpala kuandi kudi Esau mukuluʼandi mu buloba bua Seî, buloba bua Edome.

Malaki 1:3

kadi nakadi ne Esau lukuna; nakavuisha mikuna yandi tshihela tshia tshianana, nakavuisha buhianyi buandi muaba wa mibuabua ya mu mpata.

2 Kulondolola 20:23

Bualu bua Bena Amona ne Bena Moaba bakimana ku mpala kua ba ku mikuna ya Seî, bua kubabutula ne kubashiha; hakashikishabo kushiha ba ku mikuna ya Seî, bakashihangana nkayabo.

2 Kulondolola 20:10

Katataka, mona, Bena Amona ne Bena Moaba ne ba ku mikuna ya Seî bawakakandika Bena Isalele bualu buabo ne, Kanuluanganyi nʼabo, hakadibo bafuma mu Ejipitu nunku bakasesuka kudibo, kabakabashiha;

1 Kulondolola 4:42

Bakuabo babo, bana ba balume ba Shimeona mene bu nkama itanu, bakaya ku mukuna wa Seî, bakadi ne Pelatiya ne Nealiya ne Lefaya ne Uziele, bana ba balume ba Ishi, bu tupitene tuabo.

Yoshua 24:4

Nakaha Isaka Yakoba ne Esau; nakaha Esau mukuna wa Sei bu buhianyi buandi; Yakoba ne tunkanunuma tuandi bakahueka mu Ejipitu.

Dielulula 2:5

kanutandanganyi nʼabo, bualu bua tshiena munuhe buloba buabo, nansha kaba ka bunene bua dikasa dia muntu; bualu bua nakamana kuha Esau mukuna wa Sei bu buhianyi buandi.

Genese 36:1

Ei idi ndelanganyi ya Esau (dina diandi dikuabo Edome).

Genese 14:6

ne Bena Holi ba ku mikuna ya Sei to ne ku Ele-palana, hehi ne tshihela.

Genese 36:9

Ei idi ndelanganyi ya Esau, nkambua wa Bena Edome ba mu mukuna wa Sei.

Dielulula 2:4

Wambile bantu aba ne, Nenuhite mu buloba bua bana benu, bana ba Esau, badi bashikama mu Sei; bobo nebanutshine, nudimuke bienu;

Dielulula 2:22

bu muakenzeleye bana ba Esau, bakadi bashikama mu Sei, hakashiheye Bena Holi ku mpala kuabo; bobo bakabalonda ku nyima, badi bashikama mu muaba wabo tô ne ku dituku edi.

Yirmeya 40:11

Muomumue, hakunvua Bena Yuda bakadi mu Moaba ne munkatshi mua Bena Amona ne mu Edome ne bakadi mu makelenge makuabo onso ne, Mukelenge wa Babulona wakashiya bantu bakuabo mu Yuda ne wakateka Gedaliya, muana wa Ahikama, muana wa Shafana, ku mutu kuabo,

Genese 25:30

Esau wakambila Yakoba ne, Ndi nkutendekena ne, Undisheku bintu bikunze biudi mulambe bualu bua meme ndi muhungila. Bua bualu ebu bakamuidika dina ne, Edome.

Genese 32:4

Yeye wakayambila ne, Nuambile mukelenge wanyi Esau nunku ne, Muntu webe Yakoba udi wamba ne, Nakashikama ne Labana, nakushalaku to ne katataka.

Genese 36:43

mukelenge Magadiele ne mukelenge Ilama aba mbakelenge ba Edome, ku miaba yabo mu buloba bua buhianyi buabo Eu udi Esau, nkambua wa Bena Edome.

1 Samuele 14:47

Hakabuela Shaula mu bukelenge bua Isalele, yeye wakaluangana nvita ne bena lukuna bandi bonso ba ku nseke yonso: wakaluangana ne Bena Moaba ne Bena Amona ne Bena Edome ne bakalenge ba mu Seba ne Bena Peleshete; ku miaba yonso yakayeye, yeye wakabahita bukole.

Obadya 1:1

Tshikena kumona tshia Obadaya. Mukelenge Yehowa udi wamba dî edi bualu bua Bena Edome ne, Tuakunvua lumu lufume kudi Yehowa, ne bakutuma muloho munkatshi mua bisamba bia bantu, wamba ne, Jukai, tuyai kuluangana ne Bena Edome.

Obadya 1:3

Dihetu dia mu mutshima webe diakukudinga, wewe udi mushikame mu miaba mikole ya mu mabue, udi ne tshishikaminu tshiebe mulu, udi wamba munda munda ne, Nganyi wampuekesha hanshi?