Genese 28:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yakoba wakabika ne dinda dionso, wakangata dibue diakadive musamehu mutu, wakadimanyika bu tshibumba wakela manyi ha mutu hadi.

MUKANDA WA MYIDI MUKULU

¹⁸ Yakobe kubika dinda dionsu, kuimanyika dibue divuaye musangike ku mutu adi, kudifita manyi ku lusongu, bua dikale dia tshijila.

Genese 28:18 Referans Kwoze

Genese 35:14

Yakoba wakimanyika dibue dinene bu tshibumba ha muaba wakayikidileye nʼandi, wakahongolola mai a kutendelela nʼau ha mutu hadi wakelahu manyi kabidi.

Genese 31:45

Yakoba wakangata dibue, wakadimanyika bu tshibumba.

Genese 35:20

Yakoba wakimanyika dibue dia ha lukita luandi, dibue edi didi ha lukita lua Lakele to ne ku dituku edi.

Genese 31:13

Ndi Nzambi wa ku Betele kuwakela manyi ha mutu ha dibue, ne kuwakaditshihila kundi, bika biebe, umuka ku buloba ebu, uhingane ku buloba buakakulelabo.

Yeshaya 19:19

Mu dituku adi tshioshelu tshia Yehowa netshikale mu muaba wa munkatshi mua buloba bua Ejipitu, ne dikunshi nedikale ku mukalu wabu dijidila kudi Yehowa.

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Misambu 119:60

Nakenda lukasa, tshiakajanguluka, bua kulonda mikenji yebe.

2 Samuele 18:18

Hakadi Abashaloma ne muoyo, yeye wakadishimikila dibue dinene mu tshibanda tshia mukelenge, wamba ne, Tshiena ne muana mulume bua kujadikeye dina dianyi; yeye wakidika dibue adi dina diandi; badi badibikila ne, Tshivulukidi tshia Abashaloma tô ne katataka.

1 Samuele 7:12

Hashishe, Samuele wakangata dibue, wakadimanyika hankatshi ha Misepa ne Shene, wakaditeka dina ne, Ebene-ezê, Wamba ne, Yehowa wakaluatshisha tô ne lelu.

Dibadika 7:1

Hakalua dituku diakashikisha Mose kushimika nsubu wa tshitendelelu, ne hakeleye manyi ha mutu hatshi, wakatshijidila, ne bintu bionso biakadimu ne tshioshelu ne malonga atshi onso, ne hakeleye manyi ha mutu habi, wakabijidila.

Genese 22:3

Abalahama wakabika ne dinda dionso, wakasuika tshiseba ha nyima ha nyama wandi wa mpunda, wakangata bansongalume bandi babidi ne Isaka muanʼandi, wakahanda nkunyi ya kalua ka ha tshioshelu, wakabika, wakaya ku muaba wakamuambila Nzambi.

Genese 28:11

Hakafikeye ku muaba mukuabo yeye wakalalaku butuku abu, bualu bua diba diakamana kubuela, yeye wakangata dibue diakadi ku muaba au, wakasamahu mutu wandi, waka lala tulu.

Yoshua 4:9

Yoshua wakajadika mabue au dikumi ne abidi munkatshi mua Yadene mu muaba wakadiata makasa a bakuidi bakatuala mushete wa tshihungidi tshia mei: adiku tô ne ku lelu.

Genese 21:14

Abalahama wakabika ne dinda dionso, wakangata bidia ne mulondo wa mai, wakabika kudi Haga, wakabiteka ha diaha diandi, wakamuha muana, wakabatuma ha bule, wakaya biandi, wakendakana mu tshihela tshia Bê-sheba.