Genese 27:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakasemena ha buihi, wakatuangana nʼandi mishiku, yeye wakanunkila muhuya wa bilulu biandi, wakamuvudishila disanka ne, Tangila, muhuya wa muanʼanyi udi bu muhuya wa budimi buakasankishibua kudi Yehowa,

MUKANDA WA MYIDI MUKULU

²⁷ Yakobe kupukila tatuende Izake. Izake, umvua mupuya wa bilamba bia muanende, kumuelaye lupemba, wamba ne “Mupuya wa muananyi wa balume, mmufuanangane ne mupuya wa budimi budi Maweja-Nangila mujingile diakalenga.

Genese 27:27 Referans Kwoze

Ebrewu 6:7

Bualu bua buloba buakamana kumina nvula wakaloka ha mutu habu misangu ya bungi ne budi bumenesha midioko idi ikuatshisha bantu badibo babudimina, budi buangata disanka kudi Nzambi;

Misambu 65:10

Udi ulokeshila mikidi ya mabula nvula ya bungi, udi ulandakasha mabula, udi utekesha buloba ne nvula idi iloka bitekete, udi uvudishila bidi bimenamu disanka.

Genese 26:12

Isaka wakakuna bintu mu buloba abu, ne tshidimu atshi wakahuola lukama lukama, Yehowa wakamusankisha.

Ebrewu 11:20

Bua ditabusha Isaka wakasankisha Yakoba ne Esau bua malu adi kâi manze kulua.

Musambu wa Solomo 2:13

Mamuma a mitshi ya nfigi akuboba; mionshi ya tumuma tua nvinyo yakuela bilongo, bidi binunka muhuya muimpe. Juka, wanyi munanga, wanyi mulengele, tuye bietu.

Genese 27:15

Lebeka wakangata bilulu bimpe bia Esau, muanʼandi muanʼa bute, biakadiye nʼabi mu nsubu, wakabiluatshisha Yakoba, muanʼandi muanʼa mukala,

Genese 27:26

Tatu wandi Isaka wakamuambila ne, Semena ha buihi, muanʼanyi, utuangane nʼanyi mishiku.

Genese 48:10

Mesu a Isalele akadi bileshileshi bualu bua bununu buandi, yeye kakamanya mua kumona bimpe Yeye wakalua nʼabo ha buihi nʼandi, yeye wakatuangana nʼabo mishiku, wakabuhukila.

Dielulula 33:13

Bua Yosefe yeye wakamba ne, Yehowa avudishile buloba buandi disanka, bua bintu bia mushinga mukole bia mu diulu, bua mume, ne bua mai adi muinshi mua buloba;

Genese 27:39

Isaka tatu andi wakamuambila ne, Wewe neushikame mu buloba budi bukuatshika bintu bimpe, ne dibungi dia mu diulu nedikumatshile,

Genese 48:15

Yeye wakavudishila Yosefe disanka, wakamba ne, Nzambi wakadi batatuʼanyi Abalahama ne Isaka bendakena ku mesu kuandi, Nzambi wakandisha matuku anyi onso tô ne ku dituku edi,