Genese 26:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Isaka wakakuna bintu mu buloba abu, ne tshidimu atshi wakahuola lukama lukama, Yehowa wakamusankisha.

MUKANDA WA MYIDI MUKULU

¹² Tshidimu atshi, Izake kukuna biakudia mu ditunga adi. Maweja-Nangila kumusankisha. Izake kupeta bintu bipite bungi. Pa tshintu tshimue tshivuaye mukune, kupetaye lukama.

Genese 26:12 Referans Kwoze

Genese 26:3

Ushale mu buloba ebu, nengikale bebe, nenkusankishe, bualu bua nenkuhe wewe ne tunkanunuma diebe buloba ebu buonso, nenjadike nʼebe tshihungidi tshinakahunga ne Abalahama, tatuʼebe.

Marke 4:8

Makuabo akamata ha buloba buimpe, akavudisha maminu, akaleha, akadiunda; makuabo akavudisha makumi asatu asatu, makuabo makumi asambombo asambombo, makuabo lukama lukama.

Muambi 11:6

Kuna maminu ebe ne dinda, kuikishi dilolo; bualu bua kuena mumanye ne bidi bidiunda ngebi anyi mbiabia, anyi bubidi buabi nebidiunde.

Misambu 67:6

Buloba buakukuamisha bintu biabu bivule; Nzambi, Nzambi wetu mene, neatuvudishile disanka.

Genese 24:35

Yehowa wakatamba kusankisha mukelenge wanyi, yeye wakulua muntu munene, wakumuka bisumbu bia mikoko ne bia ngombe, ne argent ne or, ne bahika balume ne bahika bakashi, ne tumelo ne nyama ya mpunda.

Genese 24:1

Abalahama wakadi muntu mununu mukoke, ne Yehowa wakasankisha Abalahama mu malu andi onso.

1 Korente 3:6

Meme nakakuna bintu, Apolo wakabimiamina mai, kadi Nzambi wakabidiundisha.

Zekâya 8:12

Nebakune maminu ne ditalala, nebahete diakalengele; muonshi wa tumuma neukuame tumuma tuau, buloba nebulue ne bintu bia kudia biabu, diulu nedilokeshe dibungi, nengenzeshe difuka edi dia bantu aba bua kuhianabo bintu ebi bionso.

Yobe 42:12

Yehowa wakasankisha Yobo mu matuku andi a kunshikidilu ne disanka dihite diakadiye nʼadi mu matuku a ku tshibangidilu. Yeye wakadi ne mikoko binunu dikumi ne binai, tumelo binunu bisambombo, ne ngombe ibidi ibidi ku tshikokedi tshimue bu bikokedi tshinunu ne bakashi ba nyama ya mpunda tshinunu.

Genese 30:30

Bualu bua wakadi ne anu bintu bikese tshiyi muanze kulua kunoko mpindiu biakuvulangana tshisumbu tshinene, Yehowa wakukusankisha wewe bua malu onso anakukuenzela, ne katataka meme nengenze mudimu tshikondo kai bua kukumbasha bia ba mu nsubu wanyi kabidi?

Matayi 13:8

makuabo akamata ha buloba buimpe, akavudisha maminu; makuabo lukama lukama, makuabo makumi asambombo asambombo, makuabo makumi asatu asatu.

Misambu 72:16

Blé ikale mivule ha buloba, tô ne ha mitu ha mikuna, miehu yai ihehe bu mudi mitshi ya mu Lebanona iheha. Bantu bavulangane mu musoko, badiunde bu mudi mashinde a ha buloba adiunda.

Matayi 13:23

Yeye wakadi mumiamina ha buloba buimpe udi unvua dî dia Nzambi, udi udijingulula; yeye mene udi uvudisha maminu; manga adi avulangana lukama lukama, manga makumi asambombo asambombo, manga makumi asatu asatu.

Genese 26:29

bua wewe kutuenzedi bualu bubi, bu mutuakadi katuyi tukulenga tshianza, tuakukuenzela anu malu mimpe; tua-kukumusha talalâ, ne katataka wewe udi musankishibue kudi Yehowa.

Nsumuinu 10:22

Disankisha didi difuma kudi Yehowa didi divuisha bubanji, ne kena utenteka kanyinganyinga ha mutu hadi.

Genese 25:11

Ku nyima kua lufu lua Abalahama Nzambi wakasankisha Isaka muanʼandi, ne Isaka wakashikama mu Be-laha-loi.