Genese 24:63 - Mukanda wa Nzambi Dihungila Dikulukulu ne Dihungila Dihia-dihia 2003

⁶³ Isaka wakaya mu budimi dilolo bua kutendelela, wakabandisha mesu andi, ne monai, tumelo tuakadi tulua.

MUKANDA WA MYIDI MUKULU

⁶³ Dimue dituku dilolu uvua muye kuendakana mu mpata. Ukenzakana, kumonaye tumelu tuye kudiye.

Genese 24:63 Referans Kwoze

Misambu 119:15

Nengelangane meji bua mikenji yebe, nendamate mu nshila yebe.

Misambu 104:34

Meji andi ngela bua bualu buandi amusankishe, bua meme ndi nsanka mu Yehowa.

Misambu 1:2

Kadi disanka diandi didi mu mikenji ya Yehowa, ne mu mikenji yandi mudiye welangana meji munya ne butuku.

Yoshua 1:8

Mukanda eu wa mikenji yanyi kaumuki mukana muebe; kadi welangane meji a mukanda eu munya ne butuku, udimuke mua kuenza malu onso adi mafundamu; hashishe neutute dikasa dimpe, newikale ne diakalengele.

Misambu 145:5

Nengelangane meji a buneme butambe bua butumbi buebe, ne a midimu yebe ya kukema.

Misambu 119:48

Nengolole bianza bianyi kabidi ku mikenji yebe, indi nnanga. Nengelangane meji a mikenji yebe mifunda.

Misambu 119:27

Unjinguluile nshila wa malu audi musue ngenze, ne nengelangane meji a bienzedi biebe bia kukema.

Genese 18:2

Yeye wakabandisha mesu andi, wakatangila balume basatu bimane ku mpala kuandi, hakabatangileye, wakabika ku mbelu kuandi, wakaya lubilu bua kubakidila, wakabakukuila,

Genese 24:64

Lebeka wakabandisha mesu andi kabidi ne hakatangileye Isaka, yeye wakatuluka ha nyima ha kamelo.