Genese 24:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hashishe, hakadiye wakula, tangilai, Lebeka wakadi mulela kudi Betuele, muana mulume wa Mileka, mukashi wa Naho, muanʼabo ne Abalahama, wakaluhuka ne mulondo wa mai ha diaha diandi.

MUKANDA WA MYIDI MUKULU

¹⁵ Muena mudimu kayi muanji kujikija ditendelela, Rebeka, muana wa Betuyele, kufika, muambuile mulondu wa mayi pa makaya. Betuyele uvua muana wa Nahore, muanabu ne Abrahame. Mamuende wa Betuyele uvua Milka.

Genese 24:15 Referans Kwoze

Genese 11:29

Abalama ne Nahô bakabaka bakashi, dina dia mukashi wa Abalama diakadi Salai, ne dina dia mukashi wa Nahô diakadi Mileka, muana wa Halana, tatu wa Mileka ne tatu wa Yiseka.

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

Genese 24:45

Diambedi tshiyi muanze kushikisha kuamba mei au mu mutshima wanyi, Lebeka wakaluhuka ne mulondo wa mai ha diaha diandi, wakaya ku mushimi wa mai, wakasuna mai, meme nakamuambila ne, Umpeku mai a kunua.

Yeshaya 58:9

Hashishe wewe neumubikile, ne Yehowa neitabe kudi; neumudidile, ne yeye neakuitabe ne, Ndiku. Biûmusha mutshi wa tshikokedi munkatshi muenu; biûmusha kufunkuna kua munu kua dihetu, ne kuamba kua mei mabi;

Misambu 65:2

Wewe udi unvua milombu, bukua bantu bonso nebufike kûdi.

Misambu 34:15

Mesu a Yehowa adi kudi bakane, ne matshu andi adi buashi ku kudila kuabo.

Ekesode 2:16

Mubuki wa Midiyana wakadi ne bana ba bakashi muanda mute kete bobo bakaha kusuna mai, bakûsha luvu lua mai tente bua kunuisha mikoko ya tatuʼabo mai.

Rute 2:17

Nunku yeye wakahumbulula mpumbuluila mu budimi to ne ku dilolo, ne yeye wakashehula bintu biakahumbululeye, biakadi bu épha wa orge.

Rute 2:2

Luta, Muena Moaba, wakambila Naomi ne, Anji kuitabusha bua meme kuya mu budimi bua undi mua kusangana luse ku mesu kuandi bua meme kuhumbululaku mpumbuluila Yeye wakamuambila ne, Yaku, muanʼanyi.

Genese 29:9

Hakadiye uyikila nʼabo, Lakele wakalua ne mikoko ya tatu andi, bualu bua yeye wakadi muyilame.

Genese 24:24

Yeye wakamukudimuna di ne, Ndi muana wa Betuele, muana mulume wa Mileka, wakaleleleye Naho.

Genese 11:27

Ei idi ndelanganyi ya tunkanunuina tua Tela. Tela wakalela Abalama ne Nahô ne Halana, Halana wakalela Lota.

Nsumuinu 31:27

Udi utangila malu a ba mu nsubu muandi benza, katu wadia bia kudia bia bufuba.

Genese 21:14

Abalahama wakabika ne dinda dionso, wakangata bidia ne mulondo wa mai, wakabika kudi Haga, wakabiteka ha diaha diandi, wakamuha muana, wakabatuma ha bule, wakaya biandi, wakendakana mu tshihela tshia Bê-sheba.

Genese 24:14

witabushe ne nsongakashi undi ngambila ne, Ndi nkutendekena ne, Utule mulondo webe wa mai, umpe mai a kunua, yeye angandamune di ne, Nua biebe, nennuishe tumelo biebe kabidi, nunku yeye mene ikale mukashi uwakasunguila muntu webe Isaka, nunku nemmanye ne wewe wakufuila mukelenge wanyi luse.

Genese 25:20

hakadi Isaka ne bidimu makumi anai, yeye wakabaka Lebeka, muana mukashi wa Betuele, muena Alama wa ku Padana-alama, muanʼabo ne Labana.

1 Samuele 9:11

Hakadibo babanda mu mukuna wa ku musoko, bakasangila ne bansongakashi baye kusuna mai, bakabakonka ne, Mumonyi wa malu udiku, anyi?

Genese 29:5

Yeye wakabebesha kabidi ne, Nudi bamanye Labana, muana wa Naho, anyi? Bakamukudimuna ne, Tudi bamumanye.