Genese 21:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Mu tshikondo atshi Abimeleke ne Pikola, kamanda ka masalayi andi, bakambila Abalahama ne, Nzambi udi nʼebe mu malu onso audi wenza.

MUKANDA WA MYIDI MUKULU

²² Matuku awu, Abimeleke ne Pikole, mulombodi wa bena mvita bende, kufika kudi Abrahame, bamuambila ne: — Mvidi Mukulu udi ukuambuluisha mu bionsu biudi wenza.

Genese 21:22 Referans Kwoze

Genese 26:26

Abimeleke ne Ahuzata, muanda wandi, ne Pikola, kamanda ka masalayi andi, bakumuka ku Gelâ, bakaya kudiye.

Yoshua 3:7

Yehowa wakambila Yoshua ne, Lelu nembange kukubandisha ku mesu kua Bena Isalele bonso, bua bobo bamanye ne, Nengikale nʼebe bu munakadi ne Mose.

Genese 26:28

Bobo bakamba ne, Bulelela, tuakutangila ne Yehowa udi nʼebe, nunku tuakuambilangana ne, Tutshihangane nʼebe, tuhunge nʼebe tshihungidi,

Genese 20:2

Abalahama wakamba bua Sala, mukashi wandi, ne, Yeye udi muanʼetu mukashi, ne Abimeleke, mukelenge wa Gelâ, wakatuma bantu, bakangata Sala.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

1 Korente 14:25

ne malu adi masokoka mu mutshima wandi neikale masokolola; ne yeye neatue mpala hanshi, neakukuile Nzambi, neambe ne, Nzambi udi munkatshi muabo bulelela.

Rome 8:31

Netuambe tshinyi bua malu â? Bikala Nzambi nʼetu, nganyi udi mumanye mua kutuhumbisha?

Yeshaya 8:10

Elai tshifufu tshienu, kadi netshiandamuke bualu bua hatuhu; ambai dî, kadi kadiena dijalama, bualu bua Nzambi udi nʼetu.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Zekâya 8:23

Yehowa wa misumba udi wamba dî edi ne, Mu matuku au bantu dikumi ba mu muaku ne mu muaku nebakuate ku luzemba lua tshivuali tshia Muena Yuda, bamuambila ne, Tudi basue kuya nʼebe, bualu bua tuakunvua ne Nzambi udi nʼebe.

Yeshaya 45:14

Yehowa udi wamba ne, Luhetu lua ku Ejipitu ne biuma bia buendaluki bua mushinga mu Atiopa, ne Bena Seba bine, bantu bale, nebibuele ku luseke luebe, nebikale bintu biebe. Nebakulonde, nebalue ku luseke luebe ne nkanu mibasuike. Nebahone hanshi ku mpala kuebe bua kukukuila; nebakutendekene ne, Munkatshi muenu mudi Nzambi bulelela; kakuena mukuabo, kakuena Nzambi mukuabo muomumue nʼandi.

2 Kulondolola 1:1

Solomo, muana wa Davidi, wakakoleshibua mu bukelenge buandi; Yehowa Nzambi wandi wakadi nʼandi, wakatamba kumuvuisha bunene.

Genese 30:27

Labana wakamuambila ne Bingikala ne diakalengele ku mesu kuebe ushale biebe, bualu bua meme nakumana kujingulula ne, Yehowa wakunsankisha bua bualu buebe.

Genese 20:17

Abalahama wakalomba Nzambi, ne yeye wakakolesha Abimeleke ne mukashi wandi ne bena mudimu bandi ba bakashi, ne bobo bakalela bana.

Genese 28:15

Mona, meme ndi nʼebe, nenkulame kuonso kuwaya nenkuhingashe ku buloba ebu kabidi, tshiena nkulekela tô ne hanashikisha kukuenzela malu onso anakukuambila.

Genese 20:14

Abimeleke wakangata mikoko ne ngombe ne bahika balume ne bahika bakashi, wakabifila kudi Abalahama, wakahingasha Sala mukashi wandi kudiye kabidi.

Genese 31:5

wakabambila ne, Ndi ntangila ne mpala wa tatuʼenu kena bu muvueye diambedi kadi Nzambi wa tatu wanyi wakadi nʼanyi.

1 Samuele 3:19

Samuele wakadiunda, Yehowa wakadi nʼandi; kakalekela nansha dî dimue hanshi diakamuambileye.

2 Samuele 24:7

bakafika ku musoko wa lumbu wa Tulo, ne ku misoko yonso ya Bena Hiwi ne ya Bena Kanâna; bakanyunguluka ku luseke lua Sude lua Yuda tô ne ku Bê-sheba.

1 Samuele 24:22

Davidi wakaditshiha kudi Shaula. Shaula wakahingana kuandi, katu Davidi ne bantu bandi bakaya ku musoko wa lumbu.