Genese 20:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku uhingashe mukashi kudi mulume wandi, bualu bua yeye udi muprofete, neakulombele Nzambi bua wewe wikale ne muoyo, kadi biwahidia kumuhingasha, umanye biebe ne wewe ne bantu bonso baudi nʼabo nenufue bulelela.

MUKANDA WA MYIDI MUKULU

⁷ Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

Genese 20:7 Referans Kwoze

Yobe 42:8

Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

1 Samuele 7:5

Samuele wakamba ne, Bena Isalele bonso badisangishile ku Misepa, meme nennulombele Yehowa.

Ebrewu 13:4

Dibaka dikale dinemekibua munkatshi mua bantu bonso, bulalu kabunyanguki; Nzambi nealumbuluishe bena masandi bajike ne bena masandi babake.

2 Samuele 24:17

Hakatangila Davidi muanjelo wakadi ushiha bantu, yeye wakambila Yehowa ne, Mona, nakenza bibi, nakenza bualu buhote; kadi mikoko ei yakenza tshinyi? Ndi nkusengelela ne, Tshianza tshiebe tshikale kundi ne ku tshiota tshia tatu wanyi.

1 Kulondolola 16:22

Wakamba ne, Kanulengi bantu banyi bedibue manyi ha mutu tshianga, kanuenzedi baprofete banyi bibi.

2 Bakalenga 5:11

Kadi Nâmana wakadi ne tshiji, wakasumba, wakamba ne, Nakuelangana meji ne, Bulelela, yeye neahatuke kundi, neimane, neabiele dina dia Yehowa, Nzambi wandi, nealenge tshianza tshiandi ha muaba udi usama, neangondahe nsudi.

1 Yone 5:16

Biamona muntu muanʼabo wenza bualu bubi budi kabui bua lufu, nealombe Nzambi, yeye neamuhe mioyo ya badi benza bualu bubi budi kabui bua lufu. Bualu bubi budiku budi bua lufu; tshiena ngamba ne, Yeye amulombele Nzambi bua bualu abu.

Ebrewu 1:1

Nzambi, mumane kuambila batatu mei andi kudi baprofete bandi kale mu bituha bia bungi ne mu biambidi bia bungi,

1 Korente 14:4

Muntu udi wambila bantu dî mu muaku udibo kabai bamanye udi udidiundisha; kadi muntu udi wambila bantu dî dia Nzambi udi udiundisha ekelesia.

Yezekiyele 33:8

Hangambila muntu mubi ne, Wewe muntu mubi, neufue bulelela, ne wewe udi uhanga kuamba dî dimue bua kudimusha muntu mubi bua kulekeleye kuenda mu nshila wandi mubi, muntu eu mubi neafue bua bubi buandi, kadi nendombe mashi andi ku tshianza tshiebe.

Yezekiyele 3:18

Hangambila muntu mubi ne, Wewe neufue bulelela, ne wewe udi uhanga kumudimusha, anyi kuena wamba dî bua kudimusha muntu mubi bua kuleleye kuenda mu nshila wandi mubi bua asungile muoyo wandi; muntu eu mubi neafue mu bubi buandi, kadi nendombe mashi andi ku tshianza tshiebe.

Yirmeya 27:18

Bikalabo baprofete, ne bikala dî dia Yehowa munda muabo, basengelele biabo Yehowa wa misumba mpindiu bua mpanza itshidi ishala mu nsubu wa Yehowa ne mu nsubu wa mukelenge wa Yuda ne mu Yelushalema, bua kayiyi ku Babulona.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Yirmeya 14:11

Yehowa wakangambila ne, Kulombedi bantu aba bua kuikalabo ne diakalengele.

Misambu 25:14

Bulunda bujalame bua Yehowa budi kudi badi bamutshina, ne yeye udi ubamanyisha tshihungidi tshiandi.

Yobe 34:19

Neuhishe udi ubenga kunemeka anu bana ba bakelenge, udi kayi ubala babanji ne, Badi ku mpala kua bahele; bualu bua buonso buabo badi mudimu wa ku bianza biandi?

1 Bakalenga 13:6

Mukelenge wakambila muntu wa Nzambi ne, Undombele luse lua Yehowa, Nzambi webe, bua yeye angakashile tshianza tshianyi kabidi. Muntu wa Nzambi wakamulombela Yehowa ne tshianza tshia mukelenge tshiakakana kabidi bu muakaditshi diambedi.

1 Samuele 12:23

Bua bualu buanyi, tshiena ngitabusha bua kuenzela Yehowa bibi bua kulekela kunulombela Nzambi; kadi meme nennuleshe nshila muimpe ne muakane.

1 Samuele 12:19

Bantu bonso bakambila Samuele ne, Ulombele bantu bebe Yehowa, Nzambi webe, bua tuetu katufu, bualu bua tuetu tuakavudisha bualu ebu bubi bua kudilombela mukelenge ha mutu ha mibi yonso ituakuenza.

1 Samuele 7:8

Bena Isalele bakambila Samuele ne, Kulekedi kutulombela Yehowa, Nzambi wetu, bua yeye atusungile mu bianza bia Bena Peleshete.

Lewitiki 6:7

muakuidi neafile mulambu wa kumubuikidila nʼau bubi kudi Yehowa ne bubi buakenzeye nebuikale bubuikidibue.

Lewitiki 6:4

bienzeye bibi, bikaleye muhile, yeye neahingishe bintu biakibeye anyi tshintu tshiakanyengeye ku bukole anyi bintu biakufileye mu bianza biandi anyi bintu biakadi bijimina biakuanguleye

Ekesode 18:17

Tatu-muenu wa Mose wakamuambila ne, Bualu ebu bûdi wenza kambuimpe.

Ekesode 7:1

Yehowa wakambila Mose ne, Nakukuvuisha bu Nzambi ku mesu kua Palô, ne Alona mukuluʼebe neikale muakuidi webe.

Ekesode 4:16

Yeye neikale muakuidi webe kudi bantu, yeye neikale bu mukana muebe ne wewe newikale bu Nzambi kudiye.

Genese 20:18

Bualu bua Yehowa wakakumbamisha bantu bonso ba mu nsubu wa Abimeleke, bualu bua Sala, mukashi wa Abalahama.

Genese 12:17

Yehowa wakakengesha Palo ne ba mu nsubu wandi ne bihuhu bikole bualu bua Salai, mukashi wa Abalama.

Genese 12:15

Bakelenge bana ba Palo bakamumona, bakamuanyishila Palo, bakaya nʼandi mu nsubu wa Palo.

Genese 2:17

kadi mamuma a mutshi wa lungenyi lua kujingulula malu mimpe ne malu mabi kuadi nansha, bualu bua mu dituku diudi wadia wewe neufue bulelela.

Bienzedi 8:24

Simona wakakudimuna dî ne, Nundombele Mukelenge bua nasha bumue bua malu anuakuamba kabufiki kundi.

Genese 20:3

Kadi Nzambi wakamueneka kudi Abimeleke mu tshilota butuku, wakamuambila ne, Wewe udi anu muntu mufue, bualu bua mukashi uwakuangata udi mukashi wa munga muntu.

Genese 20:8

Abimeleke wakabika ne dinda dionso, Wakabikila bantu bandi bonso, wakabambila malu au onso ku matshu abo; ne bantu bandi bakatamba kutshina.

Genese 23:6

Mukelenge, utunvuile, wewe udi bu muntu wa Nzambi munene munkatshi muetu, usungule muaba wa majambu nkayebe udi musue kujikarnu tshitalu etshi, kakuena muntu udi mua kukukanda bua wewe kuangata muaba wa kujikamu tshi tatu etshi.

2 Kulondolola 30:18

Bualu bua bantu ba bungi ba mu Efelayima ne ba mu Manashe ne ba mu Yisakâ ne ba mu Zebuluna kabakanji kudilengesha, kadi bakadia bidia bia disanka dia kuhita kua Yehowa kabayi batumikila mukenji wakafundabo. Bualu bua Hezikiya wakadianjila kutulombela Nzambi ne, Yehowa muimpe abuikile mibi ya muntu yonso